МТБ ва Палатаи савдо ва саноат сатҳи огаҳии доираҳои тиҷоратиро дар Тоҷикистон боло мебаранд
ДУШАНБЕ, 02.05.2017/АМИТ «Ховар»/. Маркази тиҷорати байналмилалӣ (МТБ) ва Палатаи савдо ва саноати Ҷумҳурии Тоҷикистон иқдоми муштаракро ҷиҳати огоҳ сохтани бахши хусусии кишвар доир ба вазъи феълии иқтисод ва ибтикори ҳукумат дар чаҳорчӯбаи узвият дар Созмони тиҷорати ҷаҳонӣ (СТҶ) идома медиҳанд. Дар ин росто шурӯъ аз фардо, 3 май намояндагони доираҳои тиҷоратии Тоҷикистон бо тарҳҳои Низоми умумии имтиёзҳо (Generalised System of Preferences GSP) шинос мешаванд. Соҳибкорони тоҷик ҳамчунин бо василаҳои ҳимояи тиҷорат, ки дар чаҳорчӯбаи қонунии СТҶ дастрасанд, ошно мегарданд. Силсилаи семинарҳо доир ба низоми GSP ва василаҳои ҳимояи тиҷорат дар чаҳорчӯбаи СТҶ барои корхонаҳои узви Палатаи савдо ва саноат, ширкатҳои содироткунанда ва иттиҳодияҳои тиҷоратӣ дар шаҳрҳои Душанбе, Қӯрғонтеппа ва Хуҷанд баргузор мегарданд. Давраҳои омӯзишӣ аз ҷониби лоиҳаи МТБ созмон дода шуда, онро Ҳукумати Швейтсария дар доираи Барномаи ҳамкорӣ дар бахши тиҷорат дар Тоҷикистон маблағгузорӣ мекунад. GSP низоми имтиёзҳои чандҷонибаи тиҷоратӣ буда, тарофаҳоро барои баъзе маҳсулоти содиротӣ аз кишварҳои дар ҳоли рушд ва кишварҳои камрушдкарда коҳиш медиҳад ё аз байн мебардорад. Ҳадафи роҳандозии ин низом баланд бардоштани ҳаҷми даромад аз содирот дар кишварҳои дар ҳоли рушд аст, ки метавонанд бо ин васила дар коҳиши камбизоатӣ, пешбурди рушди пойдор ва мудирияти беҳтар дар сатҳи ҳукумат саҳм гузошта шавад.
Маркази тиҷорати байналмилалӣ бо мусоидат ба Ҳукумати Тоҷикистон ҳангоми узвият ба СТҶ нақши калидиро бозид ва аз талошҳои кишвар дар иҷрои уҳдадориҳо пас аз марҳилаи узвият низ пуштибонӣ менамояд.
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
