Норак: даъвати ҷавонон ба илмомӯзию созандагӣ

НОРАК, 13.05.2017. /АМИТ «Ховар»/. Дирӯз    дар шаҳри Норак бо иштироки сармутахассиси Раёсати кор бо ҷавонони Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Исмоил Шерхонов, мудирони бахшу шуъбаҳои шаҳр ва фаъолону ҷавонони шаҳр бо мақсади пешгирии  омилҳои номатлуби иҷтимоӣ, аз ҷумла муқовимат ба савдои одамон миёни наврасону ҷавонон вохӯрии судманд доир гардид.

Масъулин доир ба  масъалаҳои   пешгирии хариду фурӯши одамон, аз ҷумла кӯдакон дар ҷумҳурӣ, экстремизм ва терроризм, пешгирии шомилшавии ҷавонон ба ҳизбу ҳаракатҳои бегона, инчунин ҷонибдорӣ аз Соли ҷавонон сухан гуфта,  ҷавононро ба илмомӯзию ватандӯстӣ ва  созандагию ободкорӣ даъват карданд.