Варзишгари тоҷик Ҷаҳон Қурбонов дар Тошканд соҳиби медали биринҷӣ гардид

Май 6, 2017 13:42

ДУШАНБЕ, 06.05.2017 /АМИТ «Ховар»/. Муштзани маъруфи тоҷик Ҷаҳон Қурбонов 5 май дар даври нимфиналии Чемпионати Осиё оид ба бокс дар пойтахти Ӯзбекистон — шаҳри Тошканд дар вазни то 91 кило аз варзишгари ҳиндустонӣ Сумит Сангван бо ҳисоби 0:5 мағлуб шуд ва барои ҷойи сеюм соҳиби медали биринҷӣ гардид.

Ҷаҳон Қурбонови 31-сола, ки дар даври аввал озод буд, рақобатро аз даври чорякниҳоӣ шурӯъ кард. Вай 3 май дар Чемпионати Осиё оид ба бокс бар Маҳмуд Саноуллоҳи 24-сола аз Покистон бо ҳисоби 5:0 пирӯз шуда, ба нимфинал баромад. Ӯ дар қувваозмоии нимфиналӣ аз варзишгари ҳиндустонӣ Сумит Сангвани 24-сола шикаст хӯрд. Ба ин тартиб, дар мусобиқаи қаҳрамонии бокси Осиё аз ҳашт муштзани тоҷик танҳо як нафар- Ҷаҳон Қурбонов соҳиби медал шуд.

Чемпионати Осиё оид ба бокс дар Тошканд, ки бо ширкати 179 варзишгар аз 28 кишвар ҷараён дорад, рӯзи 7 май ба поён мерасад. Рӯзҳои шанбеву якшанбе қувваозмоиҳои ниҳоӣ аз рӯи даҳ вазн баргузор мешаванд. Инчунин варзишгарон ба ҷуз медалҳо, барои роҳхатҳо ба Чемпионати ҷаҳон оид ба бокс, ки аз 25 август то 4 сентябр дар шаҳри Ҳамбурги Олмон барпо мегардад, мубориза мебаранд.

Май 6, 2017 13:42

Хабарҳои дигари ин бахш

Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад
ФУТБОЛ. Бозии дӯстона байни дастаҳои мунтахаби наврасони Тоҷикистон ва Узбекистон мусовӣ анҷом ёфт
ФУТБОЛ. «Истиқлол»-и Душанбе бо «Ал-Наср»-и Криштиану Роналду дар як гурӯҳ қарор гирифт
ЛИГАИ ЧЕМПИОНҲОИ ДУЮМИ ОСИЁ-2025/26. Имрӯз дастаҳои «Регар-ТадАЗ» ва «Аҳал»-и Туркманистон бо ҳам бозӣ мекунанд