Ветерани тоҷик «Шаҳрванди ифтихории Қирғизистон» гардид
ДУШАНБЕ, 06.05.2017. /АМИТ «Ховар»/. Ҳотамҷон Умаралиев ягона тоҷик миёни иштирокчиёни Ҷанги дуюми ҷаҳонӣ дар сарзамини Қирғизистон мебошад, ки 72-юмин солгарди ҷашни Ғалабаро таҷлил менамояд.
Ба иттилои Қодиршои Мурувват, муовини раиси Иттиҳодияи ҷамъиятии тоҷикони Қирғизистон ба номи устод Рӯдакӣ, дар арафаи Рӯзи Ғалаба ин ҳамватани мо бо унвони «Шаҳрванди ифтихории Қирғизистон» сарфароз гардонида шуд. Чунин унвон ахиран аз тарафи Шӯрои Ассамблеяи халқҳои Қирғизистон таъсис дода шуда, бори нахуст 28 нафар собиқадорони ҶДҶ бо он мукофотонида шуданд.
Қодиршои Мурувват изҳор медорад, ки бинобар дастури Токон Мамитов, мушовири сарвазири Қирғизистон ва раиси Шӯрои Ассамблеяи халқҳои Қирғизистон ба Ҳотамҷон Умаралиев шаҳодатномаи шумораи 5 ва нишони «Шаҳрванди ифтихорӣ» дода шуд. Дар айни замон ин ветерани тоҷик дар деҳаи Учқӯрғони ноҳияи Қадамҷои вилояти Бодканд зиндагӣ мекунад.
Лозим ба зикр аст, ки ҷавонмардони тоҷик дар қатори дигар намояндагони қавму миллатҳои сокини Қирғизистон ба ҷабҳаи ҶДҶ сафарбар шуда, аз худ ҷасорату қаҳрамонӣ нишон доданд. Танҳо аз як деҳшӯрои тоҷикнишини Учқӯрғон беш аз 500 тан ҷавонон дар ин ҷанг ҷони худро аз даст доданд.
Тибқи гузориши Шӯрои ветеранҳои ҷанг, дар Қирғизистон дар ҳоли ҳозир қариб 600 нафар иштирокчиёни ҶДҶ дар қайди ҳаёт боқӣ мондаанд ва дар байни онҳо ҳамватанамон Ҳотамҷон Умаралиеви 94-сола низ қарор дорад.
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
