Ярмаркаи ҷойҳои корӣ ба Соли ҷавонон бахшида шуд
ДУШАНБЕ, 05. 05.2017 /АМИТ «Ховар»/. Имрӯз дар Маркази фарҳангии «Ориёно»-и шаҳри Душанбе ярмаркаи ҷойҳои корӣ баргузор гардид.
Тавре Шералӣ Азимӣ, корманди маркази мабуоти Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба АМИТ «Ховар» иттилоъ дод, дар ярмаркаи мазкур ҷавонон ва дигар қишрҳои ҷомеа иштирок намуда, баҳри пайдо намудани ҷойи кори муносиб бо масъулини корхонаву муассисаҳои гуногуни давлатӣ ҳамсуҳбат шуданд.
Ярмаркаи ҷойҳои корӣ аз ҷониби Кумитаи ҷавонон, варзиш ва сайёҳӣ дар ҳамкорӣ бо Вазорати меҳнат, муҳоҷират ва шуғли аҳолии Ҷумҳурии Тоҷикистон ташкил гардид. Баргузории чунин ярмаркаҳо дар ВМКБ, вилоятҳои Хатлон, Суғд ва шаҳру ноҳияҳои тобеи марказ тавассути сохторҳои маҳаллӣ идома дорад.
«Дар ярмаркаҳои мазкур, ки дар тамоми ҷумҳурӣ ҷараён доранд, зиёда аз 1700 корхонаву ташкилот ва муассисаҳои кишвар иштирок намуда, беш аз 10 000 ҷойҳои кориро пешниҳод намуданд, ки ба соҳаҳои маориф, тандурустӣ, фарҳанг, нақлиёту алоқа ва хизматрасонии маишӣ тааллуқ доранд»,- гуфт Шералӣ Азимӣ.
Ярмаркаи ҷойҳои корӣ бахшида ба Соли ҷавонон роҳандозӣ гардид.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
