Амалиёти мақсадноки «Бачаҳо» оғоз гардид

ДУШАНБЕ, 01.05.2017. /АМИТ«Ховар»/. Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон бо мақсади баланд бардоштани интизоми иштирокчиёни ҳаракат дар роҳ, махсусан кӯдакону наврасон ва коҳиш додани сатҳи садаманокӣ бо иштироки онҳо, аз 31 май то 10 июни соли равон дар қаламрави ҷумҳурӣ амалиёти мақсадноки «Бачаҳо»-ро  доир мекунад.

Тавре аз Раёсати Бозрасии давлатии автомобилии ВКД ҶТ хабар доданд, хадаф аз гузаронидани ин амалиёт- пешгирии фалокатҳои нақлиётӣ бо иштироки кӯдакону наврасон ва баланд бардоштани маданияти иштирокчиёни ҳаракат дар роҳ мебошад.

Масъулин бо эълони ин амалиёт аз пиёдагардон, падару модарон, омӯзгорон ва ронандагон хоҳиш кардаанд, то ба кӯдакону наврасон таваҷҷуҳ зоҳир намуда, онҳоро дар кӯчаву роҳҳои мошингард бе назорат нагузоранд ва ба онҳо талаботи қоидаҳои ҳаракат дар роҳро омӯзонанд.