БДА: ба диққати ронандагони воситаҳои нақлиёт!

        ДУШАНБЕ, 19.06.2017./АМИТ «Ховар»/. Бино ба иттилои Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон, 27 июни соли 2017 дар шаҳри Ваҳдат чорабинии ҷашнӣ вобаста ба таҷлили 20-умин солгарди Рӯзи Ваҳдати миллӣ баргузор мегардад.

Бинобар ин, ҷиҳати таъмини амнияти меҳмонон ва иштирокчиёни ҷашнвора аз соати 07:00 то соати 21:00 дар шаҳри Ваҳдат ҳаракати ҳама гуна воситаҳои нақлиёт маҳдуд карда мешавад.

Ронандагони воситаҳои нақлиёт метавонанд дар ин рӯз аз роҳҳои таворавӣ (объездные дороги) ва иловагии зерин истифода баранд:

Аз самти минтақаи Кӯлоб ба самти шаҳри Душанбе:

— Данғара — Қӯрғонтеппа – Душанбе;

— ағбаи Чормағзак – Ёвон – Душанбе;

— деҳаҳои Бостон (Эскигузар) – Абдулообод – Карим Исмоил – Мулло Давлат (Телман)-и ш.Ваҳдат – х. «Ленинград»-и н.Рудакӣ — Душанбе;

 Аз самти водии Рашт ба самти шаҳри Душанбе:

— деҳаҳои Меҳробод (Қарабулоқ)-и н.Файзобод — Бостон (Эскигузар) – Абдулообод –Карим Исмоил – Мулло Давлат (Телман)-и ш.Ваҳдат – х. «Ленинград»-и н.Рӯдакӣ – шаҳри Душанбе;

 Аз самти шаҳри Душанбе – ба самти минтақаи Кӯлоб ва водии Рашт:

— х. «Ленинград»-и н.Рӯдакӣ — деҳаҳои Мулло Давлат (Телман) — Карим Исмоил – Абдуллообод — Бостон (Гургхӯрда);

— маҳаллаи Обшорон – заводи шифери километри 9-ум — деҳаҳои Мулло Давлат (Телман) –Карим Исмоил — Абдуллообод — Бостон (Гургхӯрда)-и шаҳри Ваҳдат.