Дар Ашт бинои нави Бахши ҳифзи муҳити зист мавриди истифода қарор гирифт
ДУШАНБЕ, 06.05.2017. /АМИТ«Ховар»/. Дар ноҳияи Ашт бинои нави Бахши ҳифзи муҳити зисти ноҳия мавриди истифода қарор гирифт. Дар расми ифтитоҳи он раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода, сардори Раёсати ҳифзи муҳити зист дар вилояти Суғд Темурҷон Нуъмонзода ва раиси ноҳияи Ашт Зариф Мирдадо иштирок намуданд.
Тавре аз Мақомоти иҷроияи ҳокимияти давлатии ноҳияи Ашт хабар доданд, зимни мавриди ба истифода додани бинои Бахши ҳифзи муҳити зист Хайрулло Ибодзода иброз дошт, ки «бинои мазкур барои дар фазои хуб фаъолият бурдани кормандони ин ниҳод шароити мусоид фароҳам меорад, зеро Бахши ҳифзи муҳити зисти ноҳияи Ашт дар сатҳи ҷумҳурӣ яке аз бахшҳои беҳтарин маҳсуб меёбад».
Ба зикри манбаъ, бинои хуштарҳу замонавии Бахши ҳифзи муҳити зисти ноҳия бо харҷи 460 ҳазор сомонӣ дар масоҳати 100м2 бунёд гардидааст. Бино дорои маҷлисгоҳ ва 6 ҳуҷраи корӣ мебошад. Лоиҳаи бино аз тарафи Кумитаи ҳифзи муҳити зисти назди Ҳукумати Ҷумҳурии Тоҷикистон ва Раёсати ҳифзи муҳити зист дар вилояти Суғд маблағгузорӣ шудааст.
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
