Дар Душанбе роҳпаймоии автомобилии ҷавонон таҳти унвони «Роҳи Ваҳдат» баргузор мегардад
ДУШАНБЕ, 16.06.2017. /АМИТ Ховар/. Дар шаҳри Душанбе роҳпаймоии автомобилии ҷавонон бахшида ба 20-солагии Ваҳдати миллӣ ва Соли ҷавонон таҳти унвони «Роҳи Ваҳдат» доир мегардад.
Дар ин бора Қарори Раиси шаҳри Душанбе Рустами Эмомалӣ ба тасвиб расида, сохторҳои марбута ҷиҳати дар сатҳи баланди ташкиливу ғоявӣ баргузор намудани роҳпаймоӣ вазифадор гардиданд.
Тавре ба хабарнигори АМИТ «Ховар» аз Раёсати иттилоот ва робитаҳои хориҷии дастгоҳи Раиси шаҳри Душанбе иттилоъ доданд, ин роҳпаймоӣ бо мақсади таҳкими дӯстию рафоқат ва рушди фарҳанги миллӣ, ҳамзамон густариш бахшидан ба арзишҳои миллӣ, ошноӣ пайдо намудани ҷавонони минтақаҳои гуногуни кишвар аз пойтахти Ҷумҳурии Тоҷикистон – шаҳри Душанбе, тарбияи онҳо дар рӯҳияи ватандӯстӣ, дастгирии ташаббусҳои созандаи ҷомеаи шаҳрвандӣ тарҳрезӣ шудааст.
Ҳамчунин дар доираи ин чорабинӣ баргузор намудани Конференсияи ҷумҳуриявӣ таҳти унвони «Мо, ҷавонон бо Пешвои худ ифтихор дорем!» дар назар дошта шудааст.
Хотиррасон менамоем, ки роҳпаймоии автомобилии ҷавонон «Роҳи Ваҳдат» соли панҷум аст, ки дар ҷумҳурӣ гузаронида мешавад. Соли гузашта иштирокчиёни роҳпаймоӣ ба ВМКБ сафар намуда, дар зарфи 4 рӯз аз шаҳри Хоруғ ва ноҳияҳои вилоят дидан намуда, бо табиати зебои ин мавзеъ ва урфу оддати сокинонаш ошно гардиданд.
ДУШАНБЕ — ҚАЛБИ ТОҶИКИСТОН. Таҳти ин унвон конференсияи ҷумҳуриявии илмӣ – амалӣ баргузор шуд
35 ШОҲКОРӢ ДАР ДУШАНБЕ. Дар даврони соҳибистиқлолӣ пойтахти Тоҷикистон ба яке аз шаҳрҳои зеботарини минтақа табдил ёфт
«БУРҶИ ДУШАНБЕ» — 77 ОШЁНА ВА 340 МЕТР БАЛАНДӢ. Сохтмони баландтарин иншоот дар пойтахти Тоҷикистон оғоз гардид
Раиси шаҳри Душанбе Рустами Эмомалӣ бинои нави Кумитаи дин ва танзими ҷашну маросимро ифтитоҳ намуданд
Имсол кӯчаи Абдулаҳад Қаҳҳоров мавриди истифода қарор дода мешавад
Шумораи воситаҳои нақлиёти мусофирбар дар шаҳри Душанбе 20 фоиз зиёд карда шуд
ДУШАНБЕИ ИДОНА. Дар пойтахти Тоҷикистон ба истиқболи 35-солагии Истиқлоли давлатӣ омодагӣ мегиранд
Дар ноҳияи Синои пойтахт Муассисаи таҳсилоти томактабии хусусии «Нури миллат» ба истифода дода шуд
35-СОЛАГИИ ИСТИҚЛОЛИЯТИ ДАВЛАТӢ. Дар пойтахти Тоҷикистони соҳибистиқлол — Душанбе лоиҳаҳои азими роҳсозӣ татбиқ гардиданд
Дар ноҳияи Фирдавсии пойтахт корхонаи истеҳсолии ҶСП «Нур Пласт» ба истифода дода шуд
РУШДИ БЕСОБИҚАИ ДУШАНБЕ ДАР 35 СОЛИ СОҲИБИСТИҚЛОЛӢ. Мулоҳизаҳои муовини Раиси Маҷлиси намояндагон Мавсума Муинӣ
35-СОЛАГИИ ИСТИҚЛОЛИ ДАВЛАТӢ. Дар ноҳияҳои Сино ва Шоҳмансури шаҳри Душанбе иншооти муҳим ба истифода дода шуданд
