Дар Хатлон озмуни ҳунармандии «Армуғон-2017» ҷамъбаст гардид
ДУШАНБЕ, 15.06.2017 /АМИТ «Ховар»/. Дар вилояти Хатлон озмуни «Армуғон-2017», ки аз тарафи Ассотсиатсияи миллии занҳои соҳибкори Тоҷикистон миёни занони ҳунарманди вилоят моҳи марти соли равон эълон гардида буд, дар толори Театри мусиқӣ – мазҳакавии ба номи Ато Муҳаммадҷонови шаҳри Қӯрғонтеппа ҷамъбаст гардид.
Тавре ба АМИТ «Ховар» аз Мақомоти иҷроияи ҳокимияти давлатии вилояти Хатлон хабар доданд, озмун дар доираи Лоиҳаи «Соҳибкории бонувон воситаи васеъ намудани ҳуқуқ ва имкониятҳои занон» дар ҳамкорӣ бо Раёсати кор бо занон ва оилаи Мақомоти иҷроияи ҳокимияти давлатии вилояти Хатлон ва шарикони рушд доир гардид.
Ҳадаф аз ташкили он рушди ҳунарҳои миллӣ, эҳёи корҳои дастӣ ва хонагӣ, боло бурдани сифати маҳсулоти ҳунармандӣ, рақобатпазир гаштани онҳо дар бозори ҷаҳонӣ ва муайяну дастгирӣ намудани беҳтарин занони ҳунарманд мебошад. 300 нафар занони ҳунарманд намунаи беҳтарини маҳсули корашонро барои баҳогузорӣ ба ҳайати комиссия пешниҳод намуда, аз ин 25 нафарашон ҳамчун ғолиб қадрдонӣ гардиданд.
Ҳамин тавр се нафар ғолиб барои табодули таҷриба ба Ҷумҳурии Ӯзбекистон ва панҷ нафар ба саёҳати омӯзишӣ ба вилояти Суғд роҳхат гирифтанд. Ҳамчунин Директори ҶДММ «Озара» Тахмина Каримова ба ҳашт нафар иштирокчиёни озмун, ки сифати маҳсулоташон беҳтар дониста шуд, мошинаи дарздӯзӣ ва дигар туҳфаҳо тақдим намуд. Дар қисмати фарҳангӣ ҳунармандони Театри мусиқӣ-мазҳакавии ба номи Ато Муҳаммадҷонови шаҳри Қӯрғонтеппа хотири ҷамъомадагонро болида гардониданд.
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
Имрӯз дар баъзе ноҳияҳои Тоҷикистон туман мефарояд
Конститутсияи Ҷумҳурии Тоҷикистон санади муҳиму сарнавиштсоз барои миллати тоҷик аст
Конститутсия самтҳои асосии сиёсати хориҷии Тоҷикистонро муқаррар кардааст
Дар шаҳри Бохтар ба муносибати 32-солагии қабули Конститутсия ҳамоиш доир гардид
Дар ҷамоатҳои деҳоти Ясману Ҳоити ноҳияи Рашт ба ифтихори Рӯзи Конститутсия ҳамоиши идона доир гардид
Рӯзи Конститутсияи Ҷумҳурии Тоҷикистонро дар Хуҷанд бошукуҳ таҷлил намуданд
Ҳайати Тоҷикистон дар Форуми байналмилалии Арбитраж дар Чин иштирок намуд
«КОНСТИТУТСИЯ–САРОҒОЗИ НИЗОМИ ДАВЛАТДОРИИ МИЛЛӢ». Таҳти чунин унвон ҳамоиши ҷумҳуриявӣ доир шуд
Дар Донишгоҳи технологии Тоҷикистон бахшида ба Рӯзи Конститутсия конференсияи илмӣ–адабӣ гузаронида шуд
Бахшида ба Рӯзи Конститутсия дар Палатаи савдо ва саноати Тоҷикистон ҳамоиш доир гардид
Рустами Эмомалӣ аз ҷойҳои таърихию муқаддаси шаҳри бостонии Бухоро боздид намуданд
