Дар Маркази исломии Тоҷикистон бо иштироки раиси Шӯрои уламои Тоҷикистон намози иди Фитр баргузор гардид
ДУШАНБЕ, 26.06.2017 /АМИТ «Ховар»/. Субҳи имрӯз дар Маркази исломии Тоҷикистон бо ҳузури сокинони Душанбе ва меҳмонони пойтахт намози иди Рамазон баргузор гардид. Саидмукаррам Абдуқодирзода, раиси Шӯрои уламои Тоҷикистон ҳозиринро ба муносибати анҷом ёфтани моҳи рӯзадорӣ ва фаро расидани иди Рамазон табрик намуда, баҳри иҷро кардани ҳидоятҳои Пешвои миллат ҳангоми оростани дастархони идона даъват намуд. Мавриди зикр аст Пешвои миллат супориш дода буданд, ки «Мардуми шарифи Тоҷикистон дастархони хоксорона ороста, ба исрофкорӣ ва зоҳирпарастиву зиёдаравӣ роҳ надиҳанд, сарфаю сариштакор ва бо сабру таҳаммул бошанд ва ба ҷойи дастархони серхарҷ хони маънавӣ ороянд».
Аз номи мақомоти иҷроияи ҳокимияти давлатии шаҳри Душанбе ҷамъомадагонро бо иди Рамазон ва 20-солагии Рӯзи ваҳдати миллӣ Сулаймон Давлатзода, раиси Кумита оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон табрик намуд.
Дар Паёми табрикии Пешвои миллат муҳтарам Эмомалӣ Раҳмон ба муносибати иди саиди Фитр омадааст: «Бо изҳори итминон ба ояндаи неки кишвари соҳибистиқлоламон бори дигар тамоми мардуми мусулмони Тоҷикистонро бо фарорасии иди саиди Фитр самимона табрик гуфта, ба ҳар хонадони кишвар бахту иқболи нек, хушҳоливу хушбахтӣ, рӯзгори осудаву пурсаодат ва ба Ватани маҳбубамон суботу оромӣ ва ваҳдати ҷовидонӣ орзу менамоям».
Ҳамин тавр, имрӯз дар ҳама масҷидҳои мамлакат намози иди Рамазон баргузор гардид ва сокинон иди саиди Фитрро таҷлил карданд.
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
