Ифтитоҳи дафтари Фонди байналмилалии наҷоти баҳри Арал дар Ашқобод
ДУШАНБЕ, 21.06.2017 /АМИТ «Ховар»/. 19 июни соли 2017 дар шаҳри Ашқобод ифтитоҳи дафтари Фонди байналмилалии наҷоти баҳри Арал ва Конференсияи байналмилалӣ дар мавзӯи «Нақши Фонди байналмилалии наҷоти баҳри Арал дар рушди ҳамкорӣ дар минтақаи Осиёи Марказӣ» баргузор гардид, ки дар он сафирони кишварҳои Осиёи Миёна, Аврупо ва роҳбарони намояндагони ташкилоти байналмилаливу минтақавӣ ва ниҳодҳои молиявии муқими Ашқобод иштирок ва суханронӣ намуданд.
Дар ин бора ба АМИТ «Ховар» аз Вазорати корҳои хориҷии Тоҷикистон хабар доданд.
Муовини Раиси Девони вазирони Туркманистон Эсенмират Оразгелдиев конференсияро оғоз бахшида, Паёми табрикотии Президенти Туркманистон Гурбонгулӣ Бердимуҳамедовро ба самъи ҳозирин расонд.
Сафири Тоҷикистон дар Туркманистон Фаррух Шарифзода ҷониби Туркманистонро бо қабули Раёсати Фонди байналмилалии наҷоти баҳри Арал ва ифтитоҳи расмии дафтари Кумитаи иҷроияи Фонди мазкур дар Ашқобод табрик гуфт ва зикр кард, ки давраи Раёсати ҷониби Туркманистон ба рушди минбаъда ва таҳкими ҳамкории байни кишварҳои муассиси Фонд такони нав хоҳад бахшид. Фаррух Шарифзода изҳори умедворӣ кард, ки Раёсат ба пешбурд ва татбиқи Даҳсолаи байналмилалии амал «Об барои рушди устувор» солҳои 2018-2028 таваҷҷуҳи хос зоҳир хоҳад кард.
Тибқи Низомномаи Фонд, ҷониби Туркманистон аз соли 2017 то соли 2019 дар Фонди байналмилалии наҷоти баҳри Арал раисикунанда мебошад ва дирӯз Раиси Кумитаи иҷроияи Фонд Гуйзгелдӣ Бейджанов расман ба кор шурӯъ намуд.
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
