Ҷилавгирӣ аз қочоқи бист номгӯй молҳои эронӣ
![](https://khovar.tj/wp-content/uploads/2017/06/molhoi-kochoki.jpg)
ДУШАНБЕ, 15.06.2017 /АМИТ «Ховар»/. Хадамоти гумруки назди Ҳукумати Ҷумҳурии Тоҷикистон аз ҷилавгирии зиёда аз 20 номгӯй маҳсулоти қочоқӣ дар дидбонгоҳи гумрукии «Регар», воқеъ дар ғарби Тоҷикистон хабар медиҳад.
Ба иттилои манбаъ, арзиши умумиии молҳои мазкур беш аз 2,5 миллион сомонӣ арзёбӣ мегардад.
Гуфта мешавад, ки 20 номгӯй маҳсулот, аз қабили чой, ҳалво, сару либоси мардонаву занона, қолин ва ғайра, ки беш аз 300 тоннаро ташкил медиҳад, шаҳрванд О.М. ҳамчун намояндаи ширкати «Тозагии савдо» дар шаш вагон аз Эрон бидуни назорати гумрукӣ ба Тоҷикистон ворид намудааст.
Нисбат ба шаҳрванд О. М. парвандаи ҷиноятӣ оғоз карда шуда, барои тафтишот ба Прокуратураи шаҳри Душанбе ирсол гардидааст.