Иштирокчиёни даври чорякфиналии Ҷоми Тоҷикистон оид ба футбол муайян шуданд

 ДУШАНБЕ, 02.06.2017. /АМИТ«Ховар»/  Дар бозиҳои ҷавобии даври ҳаштякфиналии Ҷоми Тоҷикистон оид ба футбол, ки 1 июн баргузор гардиданд, дастаҳои «Вахш»-и Қӯрғонтеппа, «Барқчӣ»-и Ҳисор, «Ваҳдат»-и Ваҳдат ва «Эсхата»-и Хуҷанд ба даври чорякфиналии мусобиқаи мазкур роҳ ёфтанд. Дар ин бора хабарнигори АМИТ «Ховар» иттилоъ медиҳад.

Дар ин  бозиҳо «Вахш» бар дастаи «Сомон»-и Данғара бо ҳисоби 2:1 ва  «Ваҳдат»  бар  дастаи  «Зарафшон»-и Панҷакент бо ҳисоби  3:1 ғолиб омаданд.  «Равшан»-и Кӯлоб бозиро ба  дастаи  «Барқчӣ» бо ҳисоби 0:1 бохт.  «Эсхата» дар бозӣ бо дастаи  «Ҳулбук»-и Восеъ бо  ҳисобӣ 3:0   ғалаба ба даст овард.