Кӯмаки моддии Пешвои миллат ба бошандагони Маркази минтақавии хизмати иҷтимоӣ ба нафақахӯрон ва маъюбони шаҳри Душанбе

Июнь 25, 2017 14:23

ДУШАНБЕ, 25.06.2017 /АМИТ «Ховар»/. Имрӯз дар арафаи Иди Саиди фитр дар асоси дастуру супоришҳои инсондӯстонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Роҳбари Дастгоҳи иҷроияи Президенти Ҷумҳурии Тоҷикистон Раҳмон Озода Эмомалӣ ба Маркази минтақавии хизмати иҷтимоӣ ба нафақахӯрон ва маъюбони шаҳри Душанбе кӯмаки яквақтаи моддии Пешвои миллатро тақдим намуда, барои бошандагон дастархони идона оростанд.

Нахуст Роҳбари Дастгоҳи иҷроияи Президенти Ҷумҳурии Тоҷикистон Раҳмон Озода Эмомалӣ ба 100 нафар шахсони яккаву танҳо, маъюб, нафақахӯр ва нафароне, ки дар зиндагӣ ба ғамхории ҳамешагии давлату ҳукумат ниёз доранд, 1000 сомонӣ тӯҳфаи идонаи Пешвои миллатро тақдим карданд.

MNK_7075

Ин тадбири хайр идомаи мантиқии сиёсати неку бобарори иҷтимоӣ ва таваҷҷӯҳи ҳамешагии Сарвари давлат нисбат ба шахсони эҳтиёҷманд, бепарастор, ятим, маъюб ва дигар табақаҳои ниёзманд мебошад, ки дар арафаи иди саиди фитр, моҳи хайру эҳсон амалӣ гардид.

Мавриди зикр аст, ки Пешвои миллат муҳтарам Эмомалӣ Раҳмон чун шахси раъиятпарвар ва ғамхори миллат доимо аз аҳли ҷомеа дасти кӯмаку хайр дароз кардан ба табақаҳои ниёзмандро талаб менамоянд. Хушбахтона имрӯзҳо ташкилоту муассисаҳо ва шахсони алоҳида бо ҷонибдорӣ аз ташаббусҳои саховатмандонаи Президенти мамлакат мактаб-интернатҳо, хонаи кӯдакон, марказҳои тавонбахшии шахсони маъюб, инчунин ятимони куллро ба сарпарастӣ гирифта, дар арафаи ҷашнҳои  давлатию миллӣ ва ҳам дар дигар иду айём ба аёдати эҳтиёҷмандон рафта, ба онҳо кӯмаки моддию маънавӣ мерасонанд.

Сарпарастии Маркази минтақавии хизмати иҷтимоӣ ба нафақахӯрон ва маъюбони шаҳри Душанберо Мақомоти иҷроияи ҳокимияти давлатии шаҳри Душанбе ба зимма дорад ва то имрӯз бо пуштибонӣ аз ташаббусҳои хайрхоҳонаи Президенти мамлакат доимо аз шароити будубоши онҳо бохабар ҳастанд ва барои зисташон тамоми шароитҳои иҷтимоиро муҳайё кардаанд.

Зимни суҳбат бо пиронсолон аз шароити буду бош, истироҳату табобат ва дигар имтиёзҳое, ки аз ҷониби роҳбарияти давлату ҳукумати кишвар барои онҳо муҳайё карда гардидаст, пурсида шуд.

MNK_7174

Нафақахӯрону маъюбон дар навбати худ ҳар кадоме бо изҳори сипос ба Пешвои миллат муҳтарам Эмомалӣ Раҳмон барои дастгирии ҳамешагӣ миннатдорӣ баён карда, дуои бақои давлату миллат ва саломатии Раҳбари ғамхори хешро намуданд.

Имрӯз дар баробари расондани кӯмаки моддӣ, ҳамчунин дар асоси супориши Президенти мамлакат муҳтарам Эмомалӣ Раҳмон аз ҷониби роҳбарияти Дастгоҳи иҷроияи Президенти Ҷумҳурии Тоҷикистон барои нафақахӯрону маъюбони ин даргоҳ дастархони пурнозу неъмат бо чанд намуд таомҳои лазиз, шириниҳо ва меваҷоти гуногун, ки табъи дил ва хоҳиши пиронсолон буд, ороста шуд.

Дар Маркази минтақавии хизмати иҷтимоӣ ба нафақахӯрон ва маъюбони шаҳри Душанбе хизматрасониҳои иҷтимоӣ, тиббӣ, ҳуқуқӣ ва равонӣ расонда мешавад, ки ин ҳама аз ғамхориҳои Ҳукумати кишвар барои табақаҳои эҳтиёманди аҳолӣ мебошад.

MNK_7286

Июнь 25, 2017 14:23

Хабарҳои дигари ин бахш

Дар ҷаласаи Шурои ҷамъиятии Ҷумҳурии Тоҷикистон сиёсати мамлакат оид ба мубориза бар зидди ифротгароӣ ва терроризм баррасӣ карда шуд
Чӣ гуна худ ва наздиконамонро аз бемориҳои ғайрисироятӣ ҳифз намоем?
Масъулини ҳолатҳои фавқулодаи Тоҷикистон ва Муғулистон масъалаи коҳиш додани хавфи офатҳои табииро баррасӣ намуданд
Дар Хоруғ, Шуғнон ва Мурғоб оид ба баррасии масоили гуногуни ҳуқуқи инсон вохӯриҳо доир гардиданд
Ҳамкории академияҳои илмҳои Тоҷикистон ва Муғулистон тақвият дода мешавад
Ҳамкорӣ дар соҳаи илм ва технология байни Тоҷикистон ва Муғулистон густариш меёбад
Тоҷикистон ва Муғулистон ҳамкориро дар самти пешгирӣ ва бартарафнамоии ҳолатҳои фавқулода таҳким мебахшанд
Дар Хуросон фаъолияти шашмоҳаи ҲХДТ ҷамъбаст ва роҳбари нави Кумитаи иҷроияи ноҳиявӣ интихоб гардид
НИШАСТИ МАТБУОТӢ. Дар Тоҷикистон беш аз 22 ҳазор табиб ба мардум хизмат мерасонад
Озмоишгоҳи муштараки Тоҷикистон ва Чин оид ба ҳифз ва истифодаи устувори гуногунии биологӣ ифтитоҳ ёфт
Донистани роҳҳои дурусти муҳофизат аз гармии тобистон барои ҳифзи саломатӣ муҳим мебошад
Ҷаласаи чоруми Комиссияи Тоҷикистон ва Чин оид ба ҳамкории илмӣ ва техникӣ баргузор гардид