Кормандони Кумитаи ҳолатҳои фавқулодда шаш нафарро аз ғарқшавӣ наҷот доданд
ДУШАНБЕ, 19.06.2017 /АМИТ «Ховар»/. Шабонарӯзи гузашта кормандони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон шаш нафар кӯдакон ва наврасонро аз ғарқ шудан наҷот доданд.
Тавре ба АМИТ «Ховар» сардори маркази матбуоти Кумита Умеда Юсупова хабар дод, дар шабонарӯзи гузашта кормандони Кумита ду амалиёти наҷотро муваффақона анҷом доданд. Бар асари он 6 нафар кӯдакон ва наврасон аз марг наҷот ёфтанд.
Аз ҷумла кормандони Ситоди ҳолатҳои фавқулодда дар вилояти Суғд дар обанбори «Барқи Тоҷик» панҷ нафар ноболиғон аз ноҳияи Бобоҷон Ғафуровро, ки қоидаҳои оббозиро дағалона вайрон карда, қариб буд дар оби баҳр ғарқ шаванд, пешгирӣ намуданд.
Ҳодисаи ба ин монанд дар шаҳри Хоруғи ВМКБ рух дод. Аз бетаваҷҷуҳии волидон ва риоя накардани қоидаҳои оббозӣ духтари 14-солаи маҳаллӣ қариб буд, ки дар об ғарқ шавад. Вай ҳангоми оббозӣ дар ҳавзи фарҳангиву дилхушии шаҳр, бо истифода аз баллони худсохт дуртар аз соҳил рафт, вале баъдан баллон чаппагардон шуд ва ӯ дар ҳоли ғарқшавӣ қарор дошт.
Бо талоши кормандони Ситоди ҳолатҳои фавқулодда дар ВМКБ ин духтар наҷот дода шуд.
Кумитаи ҳолатҳои фавқулодда ва мудофиаи гражданӣ волидонро ҳушдор менамояд, ки бачаҳоро дар назди ҳавзҳои оббозӣ беназорат нагузоранд, зеро таҷрибаҳо нишон доданд, ки аксари ҳодисаҳои нохуш дар об бар асари он рух медиҳад, ки волидон ба сарнавишти фарзандони худ бепарвоянд. Бачаҳо бояд ҳамеша зери назорат бошанд, бахусус дар ҳолатҳое, ки онҳо дар назди ҳавзҳо ва ё соҳили рӯдхонаҳо саргарми бозианд.
Хотиррасон мекунем, ки бино ба иттилои Агентии обуҳавошиносӣ чанд рӯзи оянда гармои шадид ва обу ҳавои хушк дар кишвар ҳифз мешавад. Болоравии ҳарорати ҳаво дар минтақаҳои баландкӯҳ боиси об шудани барфҳову пиряхҳо мешавад ва ин оби рӯдхонаҳоро бештар мекунад. Ин ҳолат метавонад мӯҷиби омадани сел, резиши санг ва ярч шавад.
Дар иртибот ба ин Кумита аз сокинон ва меҳмонон хоҳиш мекунад, ки дар истифода аз роҳҳои кӯҳӣ ва истироҳат дар назди ҳавзҳову кӯлҳо ва соҳили рӯдхонаҳо ҳушёр бошанд.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
