Кумитаи иҷроияи ҲХДТ дар ноҳияи Сино ба тарбиятгирандагони Хонаи кӯдакони №2 кумак расонид
ДУШАНБЕ, 02.06.2017 /АМИТ «Ховар»/. Яке аз фазилатҳои неки моҳи шарифи Рамазон хабардор шудан аз ҳоли маризону муҳтоҷон ва ятимону бепарасторон мебошад, ки аҷру савоби бештар дорад ва ин амали солеҳ ҳамчун ҷузъи фарҳанги миллии мо имрӯзҳо амалӣ мегардад.
Кумитаи иҷроияи Ҳизби Халқии Демократии Тоҷикистон дар ноҳияи Сино бахшида ба ин моҳи муборак ба 52 нафар тарбиятгирандагони Хонаи кӯдакони №2 шаҳри Душанбе туҳфаҳо, либос ва бозичаҳои бачагона тақдим намуд.
Раиси Кумитаи иҷроияи Ҳизби Халқии Демократии Тоҷикистон дар ноҳияи Сино Зарина Файзуллозода иброз дошт, ки ин иқдом бо мақсади дастгирии кӯдакони ятиму бепарастор роҳандозӣ гардидааст. Номбурда изҳори боварӣ кард, ки ин дӯстрӯякон ҳамчун насли нави ояндасоз ба воя расида, бо ташаббусҳои наҷиб нуфуз ва эътибори Ватани маҳбубамонро баланд мебардоранд.
Зикр кардан бамаврид аст, ки дар Хонаи кӯдакони №2 имрӯз беш аз 50 нафар кӯдакони ятиму бепарастор ва аз оилаҳои камбизоат умр ба сар мебаранд, ки онҳо ҳамеша дар мадди назари роҳбарияти Давлату Ҳукумати мамлакат қарор доранд.
Дар хатми ҷамъомад барои хушҳолии кӯдакон барномаи фарҳангию фароғатӣ бо ширкати ҳунармандони наврас намоиш дода шуд.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
