ВМКБ: мутахассисони соҳаи ҷангалпарварӣ тарзи таҳияи ҳуҷҷатгузорӣ тавассути воситаҳои электрониро меомӯзанд
ХОРУҒ, 28.06.2017 /АМИТ «Ховар»/. Бо ибтикори Агентии хоҷагии ҷангали назди Ҳукумати Ҷумҳурии Тоҷикистон бо мақсади беҳтар ба роҳ мондани ҳуҷҷатнигорӣ дар соҳаи ҷангалпарварӣ, ҳифзи набототу ҳайвонот дар ҳудуди ҷангалзорҳо, пешгирии шикори ғайриқонунии ҳайвонот барои мутахассисони Муассисаи давлатии хоҷагии ҷангали Вилояти Мухтори Кӯҳистони Бадахшон давраи омӯзишӣ роҳандозӣ шуд.
Яке аз вазифаҳои асосии Агентии хоҷагии ҷангали кишвар таъмини ҳифз, барқароркунӣ, истифодаи бисёрҷабҳа ва устувори захираҳои ҷангал ба шумор меравад. Солҳои навадуми асри гузашта ба иллати камбудии неруи барқ аксарияти ҷангалзорҳо ба биёбон табдил ёфтанд. Сокинони деҳот бо истифода аз беназоратии кормандони соҳаи ҷангалпарварӣ дарахтонро бурида, ҳайвоноти нодирро бераҳмона шикор мекарданд.
Ба гуфтаи сардори муассисаи давлатии хоҷагии ҷангали вилоят Назрӣ Назриев то солҳои 90-уми асри гузашта масоҳати умумии ҷангалзори вилоят зиёда аз 16 ҳазор гектарро ташкил медод, аммо дар давоми даргириҳои дохилӣ ҳамаи ҷангалҳо ба нобудӣ расонда шуданд. Дар ин солҳо ҳуҷҷатгузорӣ низ аз байн рафт. Аз даҳаи аввали соли 2000 ба барқарорсозии ҷангалзорон ва ҳифзи набототу ҳайвонот аз сари нав оғоз ёфт. Соли 2011 дар ҷумҳурӣ усули нави идоракунии ҷангалҳо-идоракунии муштараки ҷангал аз сӯи бахши хусусӣ ва давлат ба роҳ монда шуд. То соли 2014 бештари масоҳати ҷангалзор ба сокинони деҳот ба иҷора дода шуданд. Ин ба суръати барқароркунии ҷангалзор такони хуб бахшид. Аз сӯи дигар мушкили дастрасӣ ба неруи барқ дар шаҳру ноҳияҳои вилоят аз миён бардошта шуд, ки ин омил низ боиси рушди босуръати соҳаи ҷангалпарварӣ гардид.
Аммо ҳанӯз ҳам ҳодисаҳои буридани дарахтон ва шикори ғайриқонунии ҳайвоноти нодир ба чашм мерасад. Аз ин рӯ, дар назди Агентии давлатии хоҷагии ҷангали ҷумҳурӣ шуъбаи Бозрасии давлатии ҷангал ва шикор таъсис дода шуд. Мудири шуъбаи мазкур Усмон Усмонов, ки масъулияти баргузории семинари мазкурро ба зимма дошт, изҳор кард: «Мо дар ин семинар перомуни тартибу таҳияи ҳуҷҷатҳо дар соҳаи ҷангалпарварӣ суҳбату баҳс мекунем. Дар замони муосир ҳуҷҷатнигорӣ бештар тавассути воситаҳои электронӣ сурат мегирад ва кормандони соҳаи ҷангалпарварӣ низ аз чунин тарзи таҳияи ҳуҷҷатҳо бояд дар канор намонанд».
Дар семинар намояндагони Муассисаи давлатии хоҷагии ҷангали ВМКБ, Парки миллӣ, Мамнуъгоҳи табии «Зоркӯл» ширкат варзиданд.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
