Вохӯрии роҳбарони мақомоти ҳифзи ҳуқуқи Тоҷикистон бо намояндаи ВКД Россия дар самти назорати маводи нашъаовар
ДУШАНБЕ, 20.06.2017 /АМИТ «Ховар»/. Имрӯз Вазири корҳои дохилии Ҷумҳурии Тоҷикистон генерал-лейтенанти милитсия Рамазон Раҳимзода бо Директори Агентии назорати маводи нашъаовари назди Президенти Ҷумҳурии Тоҷикистон генерал-лейтенанти адлия Шерхон Салимзода ва намояндаи ВКД Федератсияи Россия оид ба назорати маводи нашъаовар дар Ҷумҳурии Тоҷикистон Магомед Килясханов вохӯрӣ доир намуд.
Тавре аз Вазорати корҳои дохилӣ ба хабарнигори АМИТ «Ховар» иттилоъ доданд, дар вохӯрӣ ҷонибҳо масъалаҳои тақвият бахшидани ҳамкориро дар самти мубориза бар зидди гардиши ғайриқонунии маводи мухаддир, мубодилаи иттилооти фаврӣ, пешгирӣ ва бурдани корҳои профилактикӣ дар байни ҷомеа ва дигар мавзӯъҳои мавриди таваҷҷуҳро баррасӣ намуданд.
Ҳамчунин, доир ба таҳдиду хатарҳои замони муосир, аз қабили ҷинояткориҳои фаромиллӣ ва пешгирию муборизаи дастаҷамъона дар ин самт як қатор таклифу пешниҳодҳои судманд ироа карданд.
Ба зикри манбаъ, дар рафти вохӯрӣ ҷонибҳо доир ба омодагӣ ба ҷаласаи қарибулвуқӯи Шӯрои вазирони корҳои дохилии ИДМ, ки баргузории он дар шаҳри Душанбе дар назар аст, табодули афкор намуданд.
12 август дар Донишкадаи тиббӣ-иҷтимоӣ, Филиали Донишкадаи рушди менеҷменти Сингапур ва Мақомоти иҷроияи ҳокимияти давлатии ноҳияи Нуробод нишасти матбуотӣ баргузор мегардад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
«МЕЪМОР-2026». Озмуни ҷумҳуриявии беҳтарин лоиҳаҳои меъморӣ ва шаҳрсозӣ ҷамъбаст шуд
Имрӯз дар шаҳри Душанбе ҳаво то 39 дараҷа гарм мешавад
Дар Тоҷикистон истеҳсоли равғани растанӣ зиёд гардидааст
Имрӯз дар водиҳои Тоҷикистон ҳаво то 36 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Дар арафаи ҷашни Истиқлоли давлатӣ дар ноҳияи Рашт чор иншооти нав ба истифода дода шуд
