21 нафар лижарон дар мавзеи «Хоҷа Оби Гарм» ба тамрин сафарбар гардидаанд

Июль 27, 2017 10:01

ДУШАНБЕ, 27.07.2017 /АМИТ «Ховар»/. Дар ин рӯзҳо 21 нафар варзишгарон аз намуди лижаронӣ дар мавзеи  «Хоҷа Оби Гарм»-и ноҳияи Варзоб зери сарпарастии Ассотсиатсияи миллии намудҳои зимистонаи варзиши Тоҷикистон ба бозиҳои олимпӣ омодагӣ дида истодаанд. Дар ин бора ба хабарнигори АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон иттилоъ доданд.

Ба иттилои манбаъ, Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода 26 июли соли равон ба мавзеи «Хоҷа Оби Гарм»-и ноҳияи Варзоб сафари корӣ анҷом дод. Зимни сафари корӣ раиси Кумита бо ҷараёни омодагии лижаронҳо ва шароити тамрини онҳо аз наздик шинос гардид. Дар ҷараёни шиносоӣ бо вазъи тамрин ва омодашавии лижаронон Аҳтам Абдуллозода аз дастгириҳову ғамхориҳои пайвастаи давлату Ҳукумати Тоҷикистон, хусусан Пешвои миллат муҳтарам Эмомалӣ Раҳмон нисбат ба варзишгарон ёдовар гардида, таъкид намуд, ки бо шарофати истиқлолияти давлатӣ ва сиёсати дурандешонаи роҳбарияти олии мамлакат имрӯз варзишгарони мо дар мусобиқаҳову олимпиадаҳои сатҳи баланди ҷаҳонӣ иштирок намуда, ба муваффақиятҳо ноил мегарданд.

Мавриди зикр аст, ки аз ҷониби Ассотсиатсияи миллии намудҳои зимистонаи варзиши Тоҷикистон барои варзишгарон дар мавзеи «Хоҷа Оби Гарм» пайваста ҷамъомадҳои машқию таълимӣ  ташкил карда мешаванд. Таҳти сарпарастии ин ташкилот варзишгарони ин намуд аллакай дар чандин мусобиқаҳои сатҳи баланди варзишӣ иштирок намуда, ҷойҳои намоёнро ишғол кардаанд, ки қобили ифтихор аст.

Ёдовар мешавем, ки бозиҳои зимистонаи навбатии олимпӣ соли 2018 дар давлати Кореяи Ҷанубӣ баргузор шуда, варзишгарони тоҷик низ дар он иштирок мекунанд.

 

Июль 27, 2017 10:01

Хабарҳои дигари ин бахш

Рустами Эмомалӣ бо мақсади иштирок дар таҷлили Рӯзи ҷаҳонии футбол ба шаҳри Ню-Йорки Амрико сафар намуданд
РӮЗИ ҶАҲОНИИ ФУТБОЛ. Дар Душанбе байни кормандони вазорату идораҳо мусобиқаи кушод оид ба футболи хурд оғоз шуд
Дар шаҳри Бохтар Дави миллӣ ва марафони велосипедронӣ баргузор гардид
Дастаи мунтахаби наврасони Тоҷикистон (U-16) дар Тошканд дар чемпионати CAFA-2025 иштирок менамояд
Дар Тоҷикистон наздик ба 250  ҳазор нафар дар Дави миллӣ ва беш аз 19 ҳазор нафар дар марафони велосипедронӣ иштирок намуданд
Дар Душанбе 30 ҳазор нафар дар Дави миллӣ ва 380 нафар дар марафони велосипедронӣ иштирок намуданд
Имрӯз дар саросари Тоҷикистон Дави миллӣ ва марафони велосипедронӣ баргузор мегардад
ДАВИ МИЛЛӢ. Давидан метавонад ба коҳиши хатари марг аз сактаи дил ва дигар бемориҳои маъмул мусоидат намояд
Комиссияи назорати молиявии дастаҳои футболи Лигаи олии Тоҷикистон таъсис дода шуд
Дар Тоҷикистон Дави миллӣ ва марафони велосипедронӣ баргузор мегардад
Дастаи «Соро компания» дар силсилаи ниҳоии Суперлигаи футзали Тоҷикистон пирӯзии дуюмро ба даст овард
Байни донишҷӯёни муассисаҳои таҳсилоти ибтидоӣ ва миёнаи касбӣ мусобиқаи футболи хурд идома дорад