Дар соҳаи нақлиёти Тоҷикистон 17 лоиҳаи сармоягузорӣ мавриди татбиқ қарор доранд
ДУШАНБЕ, 31.07.2017/АМИТ «Ховар»/. Алҳол дар соҳаи нақлиёти Ҷумҳурии Тоҷикистон 17 лоиҳаи сармоягузорӣ ба маблағи беш аз 803 миллион доллари амрикоӣ мавриди татбиқ қарор доранд. Худоёр Худоёрзода, Вазири нақлиёти Ҷумҳурии Тоҷикистон имрӯз зимни натиҷагирӣ аз фаъолияти ин ниҳод дар нишасти матбуотӣ дар Душанбе гуфт, ки аз 17 лоиҳаи сармоягузорӣ 14 лоиҳа мутааллиқ ба роҳҳои мошингарди кишваранд, ки беш аз 96 фоиз ё 773,6 миллион доллари маблағҳои лоиҳавиро ташкил медиҳанд.
Худоёр Худоёрзода зикр кард, ки алҳол корҳои сохтмонӣ дар лоиҳаҳои сармоягузории таҷдиди роҳҳои мошингарди Хуҷанд-Исфара, Душанбе-Турсунзода ё қитъаи роҳ аз муҷассамаи Абӯалӣ ибни Сино то дарвозаи ғарбии Душанбе ва корҳои омодагӣ ба таҷдиди роҳи мошингарди Душанбе –Қӯрғонтеппа босуръат идома доранд.
Ҳамзамон вазир афзуд, ки иҷрои корҳо дар лоиҳаҳои бунёди роҳи автомобилгарди Кӯлоб –Қалъаихумб, қитъаи Шамсиддин Шоҳин-Шоҳон ва роҳи мошингарди Восеъ –Ховалинг дар арафаи анҷомёбианд.
Инчунин бо мақсади бунёди терминали боркашонӣ дар кишвар соли равон амалигардонии лоиҳаи «Беҳтар намудани инфрасохтори фурдгоҳи байналмилалии Душанбе» расман оғоз ёфт, ки татбиқи он ба рушди боркашонӣ дар кишвар мусоидат менамояд.
Бояд тазаккур дод, ки дар раванди татбиқи лоиҳахои сармоягузорӣ дар соҳаи нақлиёт имрӯзҳо беш аз 1700 нафар мутахассисон ва коргарон фаъолият доранд, ки зиёда аз 1500 нафар ё 88,6 фоизи онҳоро шаҳрвандони Ҷумҳурии Тоҷикистон ташкил мекунанд.
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
