Муколама атрофи танзими анъана ва ҷашну маросимҳо дар Кумитаи ҳолатҳои фавқулода ва мудофиаи гражданӣ
ДУШАНБЕ, 24.07.2017 /АМИТ «Ховар»/. Дар мулоқоти ҳайати шахсии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бо намояндагони Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон муколамаи ошкоро атрофи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» сурат гирифт, ки барои ҷонибҳо хеле муфид арзёбӣ гардид.
Ба иттилои Кумитаи ҳолатҳои фавқулодда ва мудофиаи гражданӣ, дар рӯзномаи мулоқот ду масъала-ҷараёни татбиқи «Стратегия миллии ҷумҳурии Тоҷикистон оид ба муқовимат ба экстремизм ва терроризм барои солҳои 2016-2020» ва Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ҷой дода шуда буд.
Сардори раёсати Кумитаи оид ба корҳои дин, танзими анъана ва ҷашну маросимҳои миллӣ Ҳусейн Шокиров зикр намуд, ки соли равон 10-солагии қабули қонуни мазкурро таҷлил намудем. Мавсуф онро як рӯйдоди таърихӣ дар Истиқлолияти кишвар номид ва гуфт, ки қабули ва татбиқи амалии он натиҷаҳои мусбатро дар зиндагии мардум ба бор овард.
Сармутахассиси Кумитаи мазкур Нигина Ризоева ба ҷанбаҳои ҳуқуқии қонуни мазкур таваҷҷуҳ намуда, бо овардани мисолҳои дақиқ муҳим будани нақши занон дар татбиқи минбаъдаи онро зикр кард.
Нигина Ризоева ҳамчунин дар бораи нақши муҳим ва созанда будани кори Комиссияҳои ҷамъиятӣ ҳарф зад. Номбурда бо таассуф қайд намуд, ки дар фаъолияти Комиссия дар Кумитаи ҳолатҳои фавқулода ва мудофиаи гражданӣ як қатор камбудиҳо ошкор карда шуд.
Дар интиҳо миёни ширкаткунандагон ва меҳмонон табодули афкор сурат гирифт ва ҳайати шахсӣ дар атрофи риояи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» андешаҳои худро баён намуданд.
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
