Раёсати «Тоҷикстандарт» дар ВМКБ назорат аз болои сифати маҳсулоти кишоварзириро боз ҳам тақвият мебахшад
ХОРУҒ, 20.07.2017 /АМИТ «Ховар»/. «Ҳифзу нигаҳдории маҳсулоти кишоварзӣ дар мағозаву бозорҳои шаҳри Хоруғ ва бо сифати хуб ба дасти харидор расондани он яке аз вазифаҳои муҳими тоҷирону соҳибкорон ба шумор меравад. Дар ҳолати ба талаботҳои нигаҳдорӣ ҷавобгӯ набудани маҳсулот дар фасли гармо, яъне ҳангоми баланд шудани ҳарорати ҳаво он метавонад ба саломатии харидор осеб расонад ва боиси паҳн гаштани бемориҳои сироятӣ гардад», — изҳор дошт муовини сардори Раёсати «Тоҷикстандарт» дар Вилояти Мухтори Кӯҳистони Бадахшон Фарид Лолоёнов зимни нишасти хабарӣ.
Номбурда ҳамчунин зикр кард, ки дар давоми шаш моҳи соли равон кормандони ин ниҳоди назоратӣ 384 намуна маҳсулотро дар озмоишгоҳ мавриди ташхис қарор доданд, ки 103 намунаи он ба меъёри муқаррарӣ ҷавобгӯ набуда, фурӯши он манъ гардид.
«Баъзе аз соҳибкорон сабзавоту меваҷотро берун аз бозор дар зери офтоби сӯзон ба фурӯш гузоштаанд, ки онро аз як сӯ чангу ғубор зер мекунад ва аз сӯи дигар аз таъсири нури офтоб зуд он сифати худро гум мекунад. Чор нафар аз соҳибкорон барои вайрон намудани қоидаи савдо ба маблағи 700 сомонӣ ҷарима баста шуданд. Ба тоҷирон тавсия дода шуд, ки маҳсулоти худро дар яхдонҳои махсус ё сардхона нигаҳ доранд»,-илова намуд Фарид Лолоёнов.
Бино ба маълумоти муовини сардори Раёсати «Тоҷикстандарт», ҳангоми санҷиш истеъмолкунандагон дар бозори марказӣ аз он шикоят намуданд, ки нархи болои молу коло дарҷ гардида арзон аст, аммо дар асл тоҷирон онро бо нархи қимат мефурӯшанд. Сабабашро Фарид Лолоёнов дар рӯйпӯш кардани даромади аслӣ ба мақсади кам пардохт кардани андоз вобаста донист.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
