Нақши низоми иттилоотии географӣ-технологӣ дар илм барои рушди устувор дар Тоҷикистон

Август 29, 2017 15:41

ДУШАНБЕ, 29.08.2017/АМИТ «Ховар»/. Имрӯз дар шаҳри Душанбе конференсияи байналмилалии «Низоми иттилоотии географӣ-технологӣ дар Осиёи Марказӣ-2017» баргузор гардид. Тавре хабарнигори АМИТ «Ховар» аз ҷараёни баргузории он хабар дод, конференсия бо ташаббуси Институти масъалаҳои об, гидроэнергетика ва экологияи Академияи илмҳои Ҷумҳурии Тоҷикистон ташкил шуд.    Дар кори он намояндагон, олимон ва мутахассисони зиёда аз 10 мамолики дунё, аз ҷумла, Қазоқистон, Қирғизистон, Беларус, Австрия, Швейтсария ва Германия иштирок доранд.

Директори Институти масъалаҳои об, гидроэнергетика ва экологияи Академияи илмҳои Ҷумҳурии Тоҷикистон Зайналобудин Кобулиев ҳадафи конференсияи сатҳи байналмилалиро баррасии масъалаҳо вобаста ба Низоми иттилоотии географӣ-технологӣ, ки дар айни ҳол масъалаи мубрами рӯз ба ҳисоб меравад, арзёбӣ кард. «Масъалаҳои мубрами ин самти кор, хусусан масъалаи баҳисобгирӣ, ба низом даровардан ва истифодаи оқилонаи захираҳои табиӣ мебошад. Пешниҳоди асосие, ки дар конференсия  сурат гирифт, оид ба истифодаи пурраи технологияҳо вобаста ба низоми иттилоотии географӣ-технологӣ буд. Масъалаҳои асосие, ки оид ба ин мавзӯъ дар конференсия баррасӣ мешаванд ва он пешниҳодҳое, ки аз ҷониби ҳозирин карда мешаванд, амалӣ гардонидани онҳо вазифаи асосии олимон ва мутахассисони тоҷик ба шумор меравад», — зикр намуд ӯ.

Зайналобудин Кобулиев яке аз самтҳои муҳим ва афзалиятноки роҳандозии низоми иттилоотии географӣ-технологиро дар нигаҳдории пиряхҳои кишвар медонад, зеро ба гуфтаи ӯ, барои  нигоҳ доштани пиряхҳо ба онҳо маълумоти дақиқ ва санҷидашуда бисёр ҳам зарур аст. «Мо метавонем ба воситаи Низоми иттилоотии географӣ-технологӣ ба иҷрои ҳадафҳои асосии дар пеши худ гузошташуда ноил гардем»,-афзуд ӯ.

Дар  конференсия ба ғайр аз истифодаи оқилонаи захираҳои табиӣ, инчунин диққати асосӣ ба омода кардани мутахассисони соҳибтаҷриба дар ин соҳа равона карда шуд. Зеро ба гуфтаи масъулин, дар ин соҳа дар Ҷумҳурии Тоҷикистон мутахассисони соҳибтаҷриба  каманд.

Зикр шуд, ки низоми илмии иттилоотӣ-географӣ имкон медиҳад, ки дар сатҳи ҷадвал ва дар шакли мушаххас ба ҷомеаи ҷаҳонӣ далелҳои гуногун пешниҳод намуда, дар иртибот бо онҳо самтҳои гузариш ба рушди устувор, муаммоҳои экологӣ ва дигар самтҳо дар алоқа бо далелҳои мушаххас мавриди арзёбӣ қарор дода шаванд.

Бояд гуфт, ки баргузории конфронси байналмилалии «Низоми иттилоотии географӣ-технологӣ дар Осиёи Марказӣ-2017» сеюмин конференсия оид ба ин масъала дар Ҷумҳурии Тоҷикистон ба шумор меравад, ки имрӯз бо ташаббуси Институти масъалаҳои об, гидроэнергетика ва экологияи Академияи илмҳо то бегоҳ идома меёбад.

Август 29, 2017 15:41

Хабарҳои дигари ин бахш

50 ҳазор аҳолии ноҳияи Абдураҳмони Ҷомӣ бо оби тозаю безарари нӯшокӣ таъмин мегарданд
Ба Маркази омӯзиши пиряхҳои Академияи миллии илмҳои Тоҷикистон таҷҳизоти нави озмоишӣ дастрас карда шуд
Имрӯз дар шаҳри Душанбе ҳаво то 24 дараҷа гарм мешавад
Филми ҳунарии «Моҳӣ дар шаст» дар кинофестивали байналмилалии «Шилингел» дар Олмон намоиш дода шуд
Тоҷикистон мизбони ҷаласаи Шурои сарони кишварҳои аъзои Иттиҳоди Давлатҳои Мустақил мегардад
Имрӯз дар Тоҷикистон ҳаво то 27 дараҷа гарм мешавад
«КИТОБХОНА — КОХИ МАЪРИФАТ». Дар шаҳри Кӯлоб ҳамоиши дӯстдорони китоб доир шуд
Дар шаҳри Панҷакент пойгоҳҳои обкашӣ барқарор карда мешаванд
Доир ба нақши забони давлатӣ дар таҳкими худшиносӣ ва ҳувияти миллӣ ҳамоиш баргузор гардид
Рӯзи забони давлатӣ дар Суди Олии иқтисодӣ ботантана таҷлил карда шуд
Кишоварзони шаҳри Конибодом беш аз 12 ҳазор тонна пахта ҷамъоварӣ менамоянд
Имрӯз дар водиҳо ҳаво то 27 дараҷа гарм мешавад