Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид
ДУШАНБЕ, 25.11.2025 /АМИТ «Ховар»/. Дар Анҷумани умумии аввалини Академияи илмҳои Осиё (AASc), ки дар Гонконги Ҷумҳурии Мардумии Чин баргузор шуд, президенти Академияи миллии илмҳои Тоҷикистон Қобилҷон Хушвахтзода ба ҳайси ноиби президент ва академики Академияи илмҳои Осиё интихоб гардид. Дар ин хусус ба АМИТ «Ховар» аз Академияи миллии илмҳо хабар доданд.
Интихоби Қобилҷон Хушвахтзода дар мақоми роҳбарикунанда дар Академияи илмҳои Осиё имконият медиҳад, ки ҳамкории илмӣ байни Тоҷикистон ва мамлакатҳои Осиё, инчунин барномаҳои муштараки таҳқиқотӣ ва таҳқиқоти стратегии илмӣ густариш ёбанд.
Ин интихоби таърихӣ шаҳодати эътирофи ҷаҳонии саҳми шоиста ва нуфузи олимони тоҷик дар пешрафти илм ва таҳқиқоти сатҳи байналмилалӣ мебошад. Ин иқдом нишон медиҳад, ки Тоҷикистон дар фазои илмии Осиё ва ҷаҳон чун ҷумҳурии дорои дараҷаи баланди илмӣ ва олимони соҳибмаърифат эътироф карда мешавад.
Анҷумани умумии Академияи илмҳои Осиё бо иштироки 121 вакил аз давлатҳои гуногун, аз ҷумла Чин, Русия, Ҳиндустон, Ҷопон, Туркия, Озарбойҷон, Гурҷистон, Қазоқистон, Тоҷикистон, Узбекистон, Қирғизистон, Покистон, инчунин мамлакатҳои ғайриосиёӣ – Иёлоти Муттаҳидаи Амрико, Фаронса, Юнон, Молдова ва Беларус баргузор гардид. Дар он 97 вакил дар интихобот иштирок намуда, ба ҳайси роҳбарони академия ва аъзои комил ва вобаста интихоб шуданд.
Ин интихобот барои рушди фазои ягонаи илмӣ ва ҳамгироии донишмандони Осиё аҳамияти беназир дошта, эътирофи саҳми Тоҷикистон ва олимони он дар арсаи минтақавию байналмилалӣ мебошад.
Академияи илмҳои Осиё ягона муассисаи илмие мебошад, ки дар сатҳи минтақавӣ ва байналмилалӣ барои ҳамгироии донишмандони Осиё, рушди таҳқиқоти илмӣ ва густариши ҳамкории стратегӣ байни мамлакатҳои қитъаи Осиё таъсис ёфтааст. Он тамоми муассисаҳои илмии минтақаро фаро мегирад.
АКС: Академияи миллии илмҳои Тоҷикистон
МИРЗО ТУРСУНЗОДА — ШОИРИ МИЛЛӢ ВА ШАХСИЯТИ ҶАҲОНӢ. Ба ифтихори 115-солагии шоир конференсияи ҷумҳуриявӣ баргузор шуд
Дар Душанбе машғулияти омӯзишии минтақавии Агентии байналмилалии неруи атомӣ оғоз гардид
«БИСТСОЛАИ ОМӮЗИШ ВА РУШДИ ФАНҲОИ ТАБИАТШИНОСӢ, ДАҚИҚ ВА РИЁЗӢ ДАР СОҲАИ ИЛМУ МАОРИФ». Доир ба он дар гимназия ва литсейҳо дарсҳои кушод гузаронида шуданд
Китоби «Арзёбии метеорологию экологии ташаббусҳои ҷаҳонии Пешвои миллат дар соҳаи обу иқлим» ба нашр расид
Эмомалӣ Раҳмон — бунёдгузори Тоҷикистони муосир ва давлатдории навин
Модели Тоҷикистони навин — самараи таълимоти ҳуқуқии Пешвои миллат
Нақши Пешвои миллат дар рушд ва эҳёи арзишҳои фарҳанги миллӣ
«НАМУНАИ АДАБИЁТИ ТОҶИК». Дар Академияи миллии илмҳои Тоҷикистон Симпозиуми байналмилалии илмӣ доир шуд
«БАРНОМАИ ДАВЛАТИИ ТАЙЁР КАРДАНИ КАДРҲОИ САТҲИ БАЛАНДИ ИЛМӢ». Дар Академияи миллии илмҳо татбиқи онро баррасӣ карданд
Дар Душанбе оид ба бехатарии ядроӣ ва радиатсионӣ конференсияи байналмилалӣ баргузор гардид
Озмоишгоҳи таҳқиқоти трансформатсияи техногении муҳити геологӣ, назорати радиатсионӣ ва амнияти ядроӣ ба истифода дода шуд
