«Рушди механизми шарикии давлат ва бахши хусусӣ»-машварати омӯзишӣ дар Душанбе

Август 2, 2017 15:37

ДУШАНБЕ, 02.08.2017 /АМИТ «Ховар»/. Бо мақсади ба роҳ мондани ҳамкории давлат бо бахши хусусӣ ва дарёфту амалӣ намудани лоиҳаҳои шарикии давлат ва бахши хусусӣ имрӯз дар ҳамкорӣ бо Мақомоти иҷроияи ҳокимияти давлатии шаҳри Душанбе дар  Муассисаи давлатии «Душанбе Плаза» дар мавзӯи «Рушди механизми шарикии давлат ва бахши хусусӣ» машварати омӯзишӣ баргузор шуд.
Тавре аз Муассисаи давлатии «Маркази татбиқи лоиҳаҳои шарикии давлат ва бахши хусусӣ»-и Кумитаи давлатии сармоягузорӣ ва идораи амволи давлатии Ҷумҳурии Тоҷикистон хабар доданд, дар семинар зиёда аз 100 нафар иштирокчиён, аз қабили намояндагони Мақомоти иҷроияи ҳокимияти давлатии шаҳри Душанбе, бахши хусусӣ, ассотсиатсияҳои соҳибкорӣ ва коршиносони соҳа иштирок намуданд.
Мақсади машварат ба роҳ мондани ҳамкории давлат бо бахши хусусӣ ва дарёфту амалӣ намудани лоиҳаҳои афзалиятнок дар самти хизматрасонии иҷтимоӣ ва бунёди инфрасохтор мебошад.
Дар машварат тарзи истифода аз механизми шарикии давлат ва бахши хусусӣ ва муҳтавои Қонуни Ҷумҳурии Тоҷикистон «Дар бораи шарикии давлат ва бахши хусусӣ» аз ҷониби директори Муассисаи давлатии «Маркази татбиқи лоиҳаҳои шарикии давлат ва бахши хусусӣ» Исфандиёр Усмонзода муаррифӣ шуд.
Механизми шарикии давлат ва бахши хусусӣ- ин қисман ё пурра вогузор намудани уҳдадориҳои давлат ба бахши хусусӣ буда, давлат ба ин васила метавонад сармояи бахши хусусиро барои амалишавии ҳадафҳо ҷалб намояд.
Лоиҳаи мазкурро дар шаҳри Душанбе мутахассисони ширкати «IBA Group»- Ҷумҳурии Беларус тарҳрезӣ намуда, корҳои насбу танзими таҷҳизот ва таҳияи кортҳои электронӣ дар доираи механизми шарикии давлат ва бахши хусусӣ аз ҷониби ширкатҳои ватанӣ анҷом дода мешаванд.
Зикр гардид, ки дар шаҳри Душанбе тариқи ин механизм аллакай ду лоиҳа амалӣ шуда истодаанд: яке дар самти хизматрасонии иҷтимоӣ- лоиҳаи «Таҷдид ва идоранамоии кӯдакистони №133 ш. Душанбе» ва дигаре дар самти тандурустӣ- лоиҳаи «Таъсиси Маркази мубориза бар зидди гепатитҳои вирусӣ». Ин лоиҳаҳо барои истифодаи муваққатӣ тавассути Созишнома ба бахши хусусӣ вогузор карда шудаанд.

Август 2, 2017 15:37

Хабарҳои дигари ин бахш

Дар Душанбе Консорсиуми сармоягузории «Area AI» ба имзо расид
ОМОДАГӢ БА ЗИМИСТОН. Кумитаи ҳолатҳои фавқулода ва мудофиаи граждании Тоҷикистон ба шаҳрвандон тавсияҳои муфид пешниҳод менамояд
Дар Суғд ҳашарҳои экологии «Тозагии маҳал», «Тозагии шоҳроҳ» ва «Тозагии соҳил» гузаронида шуданд
Оид ба нақши Донишгоҳи давлатии Кӯлоб дар рушди илм ва маориф конфронси ҷумҳуриявӣ доир шуд
Имрӯз дар водиҳои Тоҷикистон ҳаво то 28 дараҷа гарм мешавад
ТАҚВИМИ АМИТ «ХОВАР»: имрӯз 26 октябр, якшанбе, 299-умин рӯзи соли 2025 аст
ОМОДАГӢ БА ЗИМИСТОН. Сохторҳои буҷетии ноҳияи Сангвор ба мавсими сармо пурра омода мебошанд
Имрӯз дар баъзе ноҳияҳои Тоҷикистон чангу ғубор ба амал меояд
Имрӯз дар шаҳри Душанбе ҳаво то 27 дараҷа гарм мешавад
Дар ноҳияи Бобоҷон Ғафуров вобаста ба таъмини бехатарии радиатсонӣ машварат баргузор шуд
Нақши ниҳодҳои ҷамъиятӣ дар самти ҳифзи муҳити зист ва ёдгориҳои таърихию фарҳангӣ баррасӣ гардид
Имрӯз дар доманакӯҳҳо ва ноҳияҳои кӯҳии Тоҷикистон ҳаво то 23 дараҷа гарм мешавад