Сокинони Тоҷикистон дар иди Қурбон чанд рӯз истироҳат мекунанд?

Август 24, 2017 09:59

ДУШАНБЕ, 24.08.2017/АМИТ «Ховар»/.  Тибқи қарори Шӯрои уламои Маркази исломии  Тоҷикистон дар кишварамон иди саиди  Қурбон рӯзи ҷумъа, 1 сентябр  таҷлил мегардад. Дар робита ба ин  1 сентябр тибқи Қонуни Ҷумҳурии Тоҷикистон «Дар бораи рӯзҳои ид» дар Ҷумҳурии Тоҷикистон рӯзи истироҳат эълон гардидааст. Рӯзҳои 2 ва 3 сентябр, яъне шанбе ва якшанбе  тибқи тақвим дар кишварамон рӯзҳои маъмулии истироҳатиянд.

Тавре дар суҳбат ба хабарнигори АМИТ «Ховар» муовини раиси Федератсияи Иттифоқҳои касабаи мустақили Тоҷикистон  Исмоил Файзизода гуфт,  «тибқи қонунгузории Ҷумҳурии Тоҷикистон агар рӯзи ид ба рӯзи ғайрикорӣ рост ояд,   аз ҳисоби рӯзи корӣ  рӯзи иловагӣ пешниҳод карда мешавад.  Дар соли равон иди Қурбон ба  рӯзи корӣ  рост омад, аз ин рӯ дар ҷумҳуриамон 1 сентябр рӯзи истироҳатист».

То ҷое мусаллам аст, ҳамасола дар асоси тақвим  дар Тоҷикистон 1 сентябр Рӯзи дониш ва  оғози соли нави хониш аст. Имсол ин рӯз ба иди Қурбон рост омад. Аз ин рӯ, дар Тоҷикистон Рӯзи дониш ва оғози соли нави хониш кай шурӯъ мегардад?

Бо ин савол хабарнигори АМИТ «Ховар» ба масъулини  Вазорати маориф ва илми Ҷумҳурии Тоҷикистон муроҷиат намуд. Дар посух ҷавоб доданд, ки  рӯзҳои наздик  дар ҷаласаи вазорат санаи оғози соли нави хониш дар Тоҷикистон муайян карда хохад шуд.

Август 24, 2017 09:59

Хабарҳои дигари ин бахш

«ШУКӮҲИ ИСТИҚЛОЛ». Таҳти ин унвон дар Хатлон то ҷашни 33-солагии Истиқлолияти давлатӣ чорабинии фарҳангӣ-фароғатӣ доир мешавад
Дар Панҷакент корҳои бартарафсозии оқибати офатҳои табиӣ идома доранд
Пагоҳ дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мешавад
Имрӯз дар Тоҷикистон ҳаво то 41 дараҷа гарм мешавад
Имрӯз Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд
Пагоҳ Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Санъат Раҳим: «Дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст»
Имрӯз дар Тоҷикистон ҳавои тағйирёбандаи бебориш пешгӯӣ мешавад