Баррасии истифодаи таҷрибаи пешқадам дар соҳаи сайёҳӣ ва хизматрасонӣ дар мулоқот бо намояндаи доимии Дафтари ҳамкории Швейтсария дар Тоҷикистон
ДУШАНБЕ, 12.09.2017 /АМИТ «Ховар»/. Гузаронидани курсҳои омўзишӣ барои кормандони ширкатҳои сайёҳӣ, баланд бардоштани сатҳи хизматрасонӣ ба сайёҳон, иштирок дар рушди инфрасохтор ва истифодаи таҷрибаи Швейтсария дар бахши сайёҳӣ зимни мулоқоти Раиси Кумитаи рушди сайёҳии назди Ҳукумати Ҷумҳурии Тоҷикистон Нуъмон Абдуғаффорзода бо Намояндаи доимии Дафтари ҳамкории Швейтсария дар Тоҷикистон Валбурга Роос мавриди баррасӣ қарор дода шуд.
Тавре ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд, зимни мулоқот ба Намояндаи доимии Дафтари ҳамкории Швейтсария дар Тоҷикистон оид ба иқтидори бузурги сайёҳии ҷумҳурӣ, дастгирии давлатии соҳа ва пешниҳоди имтиёзҳо, дастовардҳо ва дар маҷмӯъ, ислоҳоти соҳаи сайёҳӣ маълумот дода шуд.
Ҳамчунин дар вохӯрӣ дастгирии тарғибу ташвиқи имкониятҳои сайёҳии мамлакат, рушди саноати армуғонсозӣ, ҷорӣ намудани таҷрибаи пешқадам дар соҳаи сайёҳии Тоҷикистон ва баргузор намудани чорабиниҳои самти сайёҳӣ матраҳ гардида, ҷонибҳо ба мувофиқа омаданд, ки дар самтҳои мазкур ҳамкории судманд ба роҳ монда шавад.
Мавзеъҳои таърихӣ ва сайёҳии ноҳияи Дарвозро наздики 5000 сайёҳи дохиливу хориҷӣ тамошо намуданд
Дар Литсейи касбии дӯзандагии шаҳри Душанбе Маркази нави таълимию истеҳсолӣ таъсис дода мешавад
РУШДИ САЙЁҲӢ. Имсол ба Мамнуъгоҳи Султон Увайси Қаранӣ беш аз 5 ҳазор меҳмонони дохиливу хориҷӣ ворид шудаанд
Фаъолияти Донишгоҳи байналмилалии сайёҳӣ ва соҳибкории Тоҷикистон дар нимаи аввали соли 2025 қаноатбахш арзёбӣ гардид
РУШДИ САЙЁҲӢ. Имсол ба вилояти Суғд беш аз 242 ҳазор меҳмони хориҷӣ ворид шудааст
РУШДИ САЙЁҲӢ. Табиати дилфиреби Хатлонзаминро беш аз 400 ҳазор нафар сайёҳон тамошо намуданд
Сарвари давлат Эмомалӣ Раҳмон дар ноҳияи Дарвоз аз деҳаи этнографии комплекси сайёҳии «ЗЕВ.С» дидан намуданд
Пешвои миллат Эмомалӣ Раҳмон дар ноҳияи Дарвоз ба фаъолияти комплекси сайёҳии «ЗЕВ.С» оғоз бахшиданд
РУШДИ САЙЁҲӢ. Имсол 1612 нафар сайёҳон табиати нотакрори Бадахшонро тамошо карданд
«ХАТЛОН-ҚАЛБИ ГАРМИ САЙЁҲӢ». Дар шаҳри Кӯлоб форум ва намоишгоҳи байналмилалии сайёҳӣ доир гардид
«САЁҲАТ БА ҚАЛБИ АВРУОСИЁ». 12 июл иштирокчиёни экспедитсияи байналмилалӣ ба Тоҷикистон мерасанд
