Дар Душанбе воситаи таълимии «Кори иҷтимоӣ бо мубталоёни ВНМО» муаррифӣ гардид
ДУШАНБЕ, 29.09.2017 /АМИТ «Ховар»/. Дирӯз дар Душанбе воситаи таълимии «Кори иҷтимоӣ бо мубталоёни бемории масунияти норасоии инсон (ВНМО)» муаррифӣ гардид. Қурбон Гиёев, мудири кафедраи кори иҷтимоии факултаи равоншиносии Донишгоҳи миллии Тоҷикистон гуфт, ки воситаи таълимӣ бо дастгирии Созмони Миллали Муттаҳид дар ҳамкорӣ бо Донишгоҳи миллии Тоҷикистон (ДМТ) дар чаҳорчӯбаи лоиҳаи «Беҳтар намудани хизматрасонии иҷтимоӣ ва сифати таълим дар соҳаи кори иҷтимоӣ дар доираи ВНМО» дар зарфи ду сол омода гардидааст.
Ҳадаф аз таҳияи воситаи таълимӣ омода намудани мутахассисони варзида дар бахши кор бо гирифторони бемории масунияти норасоии инсон мебошад.
Таъкид шуд, ки барномаи мазкур аз ҷониби донишҷӯён ва устодони шуъбаи «кори иҷтимоӣ» ва «хизматрасониҳои иҷтимоӣ»-и Донишгоҳи миллии Тоҷикистон дар ҷараёни корҳои амалӣ истифода бурда мешавад. Барномаи омӯзишӣ барои кормандони бахши иҷтимоӣ, созмонҳои ҷамъиятӣ, ки фаъолияти онҳо ба таъмини хизматрасониҳои иҷтимоӣ ба гирифторони ВНМО нигаронида шудааст, пешбинӣ гардидааст.
Ҳамзамон дар муаррифии воситаи таълимии «Кори иҷтимоӣ бо мубталоёни бемории масунияти норасоии инсон (ВНМО)» Қудратулло Қурбонов, сардори Раёсати ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон зикр кард, ки Ҳукумати Ҷумҳурии Тоҷикистон барои пешгирӣ ва мубориза бо бемории масунияти норасоии инсон тадбирҳои муассир андешида, корҳои зиёдеро анҷом додааст.
Қабули Барномаи миллӣ барои солҳои 2017-2020, инчунин таъсиси Маркази ҷумҳуриявии пешгирӣ ва мубориза бо бемории масунияти норасоии инсон аз ҳамин қабиланд.
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
