ДАСТОНИ НОПОК: заминсози ноҳияи Ёвон бо ҷурми гирифтани пора дастгир гардид
ДУШАНБЕ, 07.09.2017 / АМИТ «Ховар»/. Агентии назорати давлатии молиявӣ ва мубориза бо коррупсияи Ҷумҳурии Тоҷикистон аз дастгир гардидани заминсози ҷамоати шаҳраки Ёвони ноҳияи Ёвон Зафар Сангинмуродов ва ҳаммаслакаш Бахтиёр Авғонов бо ҷурми гирифтани пора хабар медиҳад.
Тавре ба хабарнигори АМИТ «Ховар» аз Агентии мазкур иттилоъ доданд, Зафар Сангинмуродов бо маслиҳати пешакӣ бо Бахтиёр Авғонов аз шаҳрванд «А» барои ҷудо намудани қитъаи замини наздиҳавлигӣ 2000 доллари ИМА талаб намуда, 1000 доллари ИМА ва 1000 сомониашро гирифта, оварда додани маблағи боқимонда-5000 ҳазор сомонии дигарро талаб намудаанд.
Ба иттилои манбаъ, дар натиҷаи гузаронидани корҳои фаврӣ-тафтишотӣ ин ду нафар баъди аз шаҳрванд «А» гирифтани маблағи 5000 сомонӣ аз ҷониби кормандони Агентӣ дар ҷойи ҳодиса дастгир гардиданд.
Вобаста ба ҳолатҳои зикргардида нисбат ба дастгиргардидагон парвандаи ҷиноятӣ оғоз карда шуда, бо тасдиқи фикри айбдоркунӣ барои баррасӣ ба суд ирсол карда шуд.
9 феврал дар якчанд идораю корхона нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
