Кӯлоб: партовҳои тиббӣ зери назорати қатъӣ қарор мегиранд
ДУШАНБЕ, 05.09.2017 /АМИТ «Ховар»/. Баҳри оқилона идора намудани партовҳо ва назорати онҳо, паст кардани таъсири омилҳои сироятӣ ва моддаҳои заҳрнок дар Беморхонаи марказии ноҳияи Кӯлоб майдони нави идоракунии партовҳо бунёд гардид.
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд, сохтмони иншооти мазкур дар чаҳорчӯбаи созишнома миёни Раёсати тандурустии вилояти Хатлон ва мақомоти иҷроияи хокимияти давлатии шаҳри Кӯлоб бо ташкилоти байналмилалии «Духтурон бидуни марз» ва дастгирии Ҳукумати Ҷумҳурии Тоҷикистон ба анҷом расонида шуд.
Тавре манбаъ иттилоъ дод, дастгирии муассисаҳои тиббӣ барои ҷорикунии чунин низоми идоракунии партовҳо беҳтар гардондани саломатии аҳолӣ ва назорати бемориҳои сироятӣ ба шумор меравад.
Тавре ҳамоҳангсози лоиҳаи ташкилоти «Духтурон бидуни марз» дар минтақаи Кӯлоб Омар Гамдуллаев зикр намуд, ин ташкилот «дар Тоҷикистон ҳамчун шарики инноватсионӣ ба шумор рафта, кӯшиш ба харҷ медиҳад, ки дастгирии фаъолиятҳо доир ба идоракунии дурусти партовҳо тақвият ёбад ва назорати босифати сироятиро таъмин намояд. Беморхонаи марказии ноҳияи Кӯлоб нуқтаи аввалин аст. Қадами оянда – сохтмони чунин иншооти идоракунии партовҳо дар шаҳри Кӯлоб хоҳад буд».
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
