Китобхонаи миллии Тоҷикистон хостори таҷдиди назар дар нархномаи пешниҳодии табодули китоб аз ҷониби Китобхонаи давлатии Россия шуд
ДУШАНБЕ, 11.09.2017 /АМИТ «Ховар»/. Миёни Китобхонаи миллии Точикистон ва Китобхонаи давлатии Россия онлайн-конференсия дар мавзӯи «Пешниҳоди хизматрасонӣ оид ба абонементи байни китобхонаҳо ва дастрасии ҳуҷҷатҳои электронӣ» баргузор гардид. Дар ин бора аз Китобхонаи миллии Тоҷикистон хабар доданд.
Тавре иттилоъ дода шуд, ташкилкунандагони асосии конференсия Маркази фосилавии хизматрасонӣ ва маркази иттилоотии абонементи байни китобхонаҳои давлатии Россия ва Иттиҳоди Давлатҳои Мустақил, Намоишгоҳ – ярмаркаи байналмилалии Москва, шуъбаи абонементи байни китобхонаҳо ва шуъбаи автоматикунонии раванди китобдории Китобхонаи миллии Тоҷикистон буданд.
Дар конференсия асосан масъалаҳо оид ба фаъолияти низоми абонементи байни китобхонаҳо дар Федератсияи Россия, кишварҳои аъзои Иттиҳоди Давлатҳои Мустақил баррасӣ шуда, саволу ҷавоб доир ба таҷрибаи кории китобхонаҳо тавассути шабакаи интернет гузаронида шуд.
Дар ҷараёни конференсия намояндагони Китобхонаи миллии Тоҷикистон пешниҳод намуданд, ки нархномаи Китобхонаи давлатии Россия мувофиқи дархости истифодабарандагон аз тарафи шуъбаи Абонементи байни китобхонаҳо ба қадри имкон паст гардад, зеро гаронии нархи адабиёт бисёр муштариёнро қонеъ намекунад ва ин боиси кам шудани мубодилоти электронӣ байни китобхонаҳо мегардад.
Ба зикри манбаъ, дар конференсия пешниҳод карда шуд, ки таҷрибаи пешқадами китобхонаҳои Русия ва ИДМ тариқи воситаҳои шабакаи электронӣ пурсамартар гардад ва маълумоти китобхонашиносӣ — библиографӣ ба таври маълумотнома ҷо дода шаванд.
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
