Дар Душанбе масъалаи таъмини амнияти озуқаворӣ баррасӣ гардид
ДУШАНБЕ, 07.10.2017 /АМИТ «Ховар»/. Роҳҳои баланд бардоштани таъмини амнияти озуқаворӣ дар Ҷумҳурии Тоҷикистон дирӯз дар Душанбе зимни баргузории ҳамоиш таҳти унвони «Тоҷикистон- 2030: таъмини амнияти озуқаворӣ ва истеъмоли ғизо» баррасӣ гардид.
Ҳамоиш бо иқдоми Маркази тадқиқоти стратегии назди Президенти Ҷумҳурии Тоҷикистон созмон дода шуда, дар он олимон ва коршиносону мутахассисони варзидаи ниҳодҳои гуногуни кишвар ширкат намуда, доир ба роҳҳои афзалиятноки таъмини амнияти озуқаворӣ дар Тоҷикистон ибрози назар намуданд.
Ба андешаи Фарида Муминова, муовини директори Маркази тадқиқоти стратегии назди Президенти Ҷумҳурии Тоҷикистон, таъмини амнияти озуқаворӣ дар рушди иқтисодиёти кишвар яке аз масъалаҳои калидӣ ба шумор рафта, дар ин самт Ҳукумати Ҷумҳурии Тоҷикистон тадбирҳои самарабахш андешидааст.
Таъкид шуд, ки қабули як қатор барномаҳои давлатӣ дар самти таъмини амнияти ғизоӣ дар Ҷумҳурии Тоҷикистон, ки ба беҳдошти вазъи иҷтимоии аҳолӣ нигаронида шудаанд, қадами муассирест дар масъалаи таъмини яке аз се ҳадафи стратегии Ҳукумати Ҷумҳурии Тоҷикистон — таъмини амнияти озуқаворӣ. Зикр шуд, ки яке аз омилҳои асосии баланд бардоштани таъмини амнияти озуқаворӣ дар кишвар таъмини аҳолӣ бо маводи ғизоӣ ва дар ин замина баланд бардоштани ҳосилнокии маҳсулоти кишоварзӣ, дастрасии тухмии хашсифат, тақвияти комплекси чорводорӣ, хусусан афзоиши саршумори чорвои хушзот, оқилона ва самаранок истифода намудани заминҳои корами обӣ, бунёди боғу токзор дар заминҳои лалмӣ, ташкил ва афзоиш додани масоҳати гармхонаҳо, инчунин бунёди сарддхонаҳо барои тару тоза нигоҳ доштани маҳсулоти кишоварзӣ, таъмини хоҷагиҳо ва дар маҷмӯъ бахши аграрии кишвар бо техникаи муосири кишоварзӣ мебошад.
Дар ҳамоиш олимону коршиносони соҳа доир ба паҳлӯҳои гуногуни таъмини амнияти озуқаворӣ, хусусан нақши об дар рушди иҷтимоӣ ва иқтисодии кишвар, асоснок намудани меъёрҳою арзиши амнияти озуқаворӣ ва таъминоти нақлиётии амнияти озуқавории Тоҷикистон табодули назар карданд.
Дар ноҳияи Лахш бо усули «Деҳа ба деҳа» ва «Маҳалла ба маҳалла» суҳбату вохӯриҳо доир гардид
Бахшида ба 100-солагии Омӯзгори хизматнишондодаи Тоҷикистон Хосият Махсумова ҳамоиши илмӣ-маърифатӣ баргузор шуд
Муассисаҳои таълимӣ ва тандурустии ноҳияи Шаҳринав барои давраи тирамоҳу зимистон омода карда шуданд
Имрӯз дар доманакӯҳои Тоҷикистон ҳаво то 20 дараҷа гарм мешавад
АГЕНТИИ ОБУҲАВОШИНОСӢ ОГОҲ МЕНАМОЯД. Аз 2 то 5 ноябр дар Тоҷикистон борону барф пешгӯӣ мешавад
«LONELY PLANET»: Маконҳое, ки дар Тоҷикистон ҳатман бояд онҳоро тамошо кард
САРНАВИШТИ ЗАНИ САЗОВОР. Бахшида ба 100-солагии Омӯзгори хизматнишондодаи Тоҷикистон Хосият Махсумова китоб ба нашр расид
ДАЪВАТИ ТИРАМОҲӢ. Нақшаи даъвати ҷавонон ба хизмати ҳарбӣ беш аз 92 фоиз иҷро шуд
Хонандагони ноҳияи Шоҳмансури шаҳри Душанбе дар се озмун ҷойи якум гирифтанд
Эҳтиром ва риояи ҳатмии Конститутсия ва қонунҳо вазифаи ҷониву виҷдонии ҳар шаҳрванд аст
Имрӯз дар водиҳои Тоҷикистон ҳаво то 25 дараҷа гарм мешавад
ТАҚВИМИ АМИТ «ХОВАР»: имрӯз 1 ноябр, шанбе, 305-умин рӯзи соли 2025 аст
