Президенти Бонки Осиёии Рушд Такехико Накао: «Имрӯз Тоҷикистон бо пешниҳодҳои заруриаш таваҷҷуҳи ҷомеаи ҷаҳониро ҷалб намудааст»
ДУШАНБЕ, 27.10.2017./АМИТ «Ховар»/. Президенти Бонки Осиёии Рушд Такехико Накао, ки ҷиҳати иштирок дар татбиқи лоиҳаҳо ва ҷаласаи 16-уми Конфренсияи вазирони Барномаи ҳамкории иқтисодии минтақавии Осиёи Марказӣ ба Ҷумҳурии Тоҷикистон ташриф овардааст, дар доираи сафар аз Кӯли Сарез ва Неругоҳи барқи обии «Норак» дидан намуд.
Президенти Бонки Осиёии Рушд Такехико Накао таасуроташро аз ҷараёни боздид аз Кӯли Сарез ва Неругоҳи барқи обии Норак дар суҳбат бо хабарнигорон чунин баён дошт:
«Ман аз сафари Ҷумҳурии Тоҷикистон алалхусус ба ин минтақаҳои зебо бисёр хушҳолам. Зеро кӯҳҳои осмонбӯсу табиати дилфиреби Тоҷикистон дили ҳар як бинандаро шод мекунад.
Имрўз Ҷумҳурии Тоҷикистон бо пешниҳодҳои заруриаш дар арсаи байналмиллалӣ мақоми шоёнро касб намуда, таваҷҷуҳи ҷомеаи ҷаҳониро ҷалб кардааст.
Масалан пешниҳоди навбатии Президенти Ҷумҳурии Тоҷикистон Эмомалӣ Раҳмон «Даҳсолаи байналмиллалии амал об барои рушди устувор, солҳои 2018-2028» бори дигар ҷомеаи ҷаҳониро водор сохт, ки ба яке аз мушкилоти асосии ҷаҳон — тағйирёбии иқлим ва норасоии оби ошомиданӣ нақшаҳои заруриро дар муҳлати кутоҳ тарҳрезӣ намуда, баҳри ҳалли онҳо дар якҷоягӣ чораандешӣ намоянд.
Талошҳои пайвастаи Президенти Ҷумҳурии Тоҷикистон Эмомалӣ Раҳмон ба беҳтар сохтани вазъи зисту зиндагонии сокинони Тоҷикистон ва умуман ҷомеаи ҷаҳонӣ нигаронида шудааст. Ҳамаи ин далели сиёсати хирадмандона ва башардӯстонаи Эмомалӣ Раҳмон аст.
Ҳамкории Ҷумҳурии Тоҷикистон бо Бонки Осиёии Рушд низ рӯз то рӯз беҳтар мегардад ва ин муносибот алакай самара додааст.
Мо умед дорем, ки Ҷумҳурии Тоҷикистон бо шарофати истиқлолияти давлатиаш мақоми худро дар арсаи байналмиллалӣ боз ҳам баланд мебардорад».
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
Татбиқи лоиҳаҳои Бонки исломии рушд дар Тоҷикистон баррасӣ гардид
БА ТАВАҶҶУҲИ РОНАНДАГОН! Набудани бимаи суғурта ва корти ташхиси техникӣ минбаъд тавассути дурбинҳо сабт карда мешавад
