«Сомон Эйр» сертификати узвият дар IATA-ро соҳиб гашт
ДУШАНБЕ, 14.10.2017. /АМИТ «Ховар»/. Ширкати ҳавопаймоии «Сомон Эйр» сертификати узвият дар IATA — Ассотсиатсияи байналмилалии нақлиёти ҳавоиро соҳиб гашт. Маросими супоридани сертификат дар шаҳри Душанбе баргузор гардида, дар он намояндагони сохторҳои давлатии Ҷумҳурии Тоҷикистон, роҳбарони сафоратҳои кишварҳои хориҷӣ ва созмонҳои байналмилалии муқими Тоҷикистон ширкат варзиданд.
Тавре аз Ширкати ҳавопаймоии «Сомон Эйр» иттилоъ доданд, зимни маросим Вазири нақлиёти Ҷумҳурии Тоҷикистон Худоёр Худоёрзода доир ба ин рӯйдоди муҳим изҳор намуд, ки «қабули «Сомон Эйр» ба IATA дархури ҳадафҳои сиёсати стратегии Ҳукумати Ҷумҳурии Тоҷикистон — аз бунбасти коммуникатсионӣ баровардани кишвар буда, он ба кушодани роҳҳои нави ҳавоӣ мусоидат мекунад».
Ассотсиатсияи байналмилалии нақлиёти ҳавоӣ- IATA ассотсиатсияи ихтисосии ширкатҳои ҳавопаймоии иҷрокунандаи хатсайрҳои байналмилалӣ буда, вазифаи ҳамоҳангсозӣ ва намояндагии манфиатҳои соҳаи нақлиёти ҳавоиро дар бахшҳои таъмини бехатарии парвозҳо, иҷрои парвозҳо, хизматрасонии техникӣ, бехатарии авиатсионӣ ва тарҳрезии стандартҳои байналмилалӣ анҷом медиҳад. Айни замон 281 ширкати ҳавопаймоӣ аз 118 давлати ҷаҳон аъзои IATA мебошанд.
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
Имрӯз дар баъзе ноҳияҳои Тоҷикистон чангу ғубор ба амал меояд
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқаррар шудааст
