Кумитаи рушди сайёҳӣ бахшида ба Рӯзи Парчами давлатӣ ҳамоиш доир намуд
ДУШАНБЕ, 22.11.2017 /АМИТ «Ховар»/. Имрӯз, 22 ноябри соли 2017 бо ташаббуси Кумитаи рушди сайёҳии назди Ҳукумати Ҷумҳурии Тоҷикистон дар маркази ноҳияи Айнии вилояти Суғд бахшида ба Рӯзи Парчами давлатӣ вобаста ба тадбиқи сиёсати давлатӣ дар соҳаи сайёҳӣ ва масъалаҳои рушди соҳаи сайёҳӣ ҳамоиш баргузор шуд.
Тавре ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд, ҳадафи баргузории ҳамоиш аз таҷлили Рӯзи Парчами миллӣ ва ба ин восита, татбиқи сиёсати давлат дар соҳаи сайёҳӣ иборат мебошад.
Парчами давлатии Тоҷикистони соҳибистиқлол чун рамзи бахту саодат, сарсабзию хуррамӣ ва сарбаландии миллату давлати тоҷикон мақсаду ҳадафҳои созандаи ин миллати тамаддунофарро дар баландтарин минбарҳо ҷилвагар менамояд, ки ин боиси ифтихори ҳар як тоҷику тоҷикистонист.
Зикр шуд, ки маҳз бо талошҳои созанда ва пайгиронаи Президенти Ҷумҳурии Тоҷикистон муҳтарам Эмомалӣ Раҳмон дар заминаи сиёсати «дарҳои кушода» Ҷумҳурии Тоҷикистон аз соли 2007 узви комилҳуқуқи Созмони ҷаҳонии сайёҳӣ гашта, дар кишвар барои ворид шудан ба бозори ҷаҳонии сайёҳӣ заминаҳои воқеӣ фароҳам оварда шуд.
Иштирокдорони ҳамоиш доир ба раванди ислоҳот дар соҳаи сайёҳӣ, аз ҷумла, дастгирии давлатии соҳа, пешниҳод гардидани имтиёзҳои андозию гумрукӣ дар 5 соли фаъолияти аввали худ, аз фоида озод намудани ширкатҳои навтаъсиси сайёҳӣ, беҳтар гардонидани сифати хизматрасонӣ ба сайёҳон ва мизоҷон, таҳкими неруи зеҳнӣ, омодасозии кадрҳои баландихтисос, хизматрасонӣ дар марказ ва манотиқи кишвар изҳори назар намуданд.
Дар анҷоми ҳамоиш иштирокчиён аз хона-музей ва Осорхонаи замонавии «Туғрал», инчунин Осоишгоҳи «Санги гирён» боздид ба амал оварданд.
Хотиррасон мекунем, ки тӯли солҳои охир дар бахши сайёҳӣ як қатор ислоҳоти муҳим амалӣ карда шуда, заминаи меъёрии ҳуқуқии соҳа бо қабул ва татбиқи қонунҳои Ҷумҳурии Тоҷикистон «Дар бораи туризм», «Дар бораи сайёҳии дохилӣ», Консепсияи рушди туризм дар Ҷумҳурии Тоҷикистон, Барномаи рушди туризм ва дигар санадҳо устувор гардид.
Ба муносибати Рӯзи Президент дар Душанбе хатсайри сайёҳӣ ташкил карда шуд
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
