Минбаъд дар кӯчаҳои Душанбе ба ҷои кормандони БДА нозирони тартибот (патрулҳо) фаъолият мекунанд

Декабрь 5, 2017 12:19

ДУШАНБЕ, 05.12.2017 /АМИТ «Ховар»/. Шурӯъ аз аввали моҳи декабри соли равон минбаъд дар кӯчаҳои шаҳри Душанбе ба ҷои кормандони Бозрасии давлатии автомобилӣ нозирони тартибот (патрулҳо) фаъолият мекунанд. Дар ин бора ба АМИТ «Ховар» котиби матбуоти Вазорати корҳои дохилии Ҷумҳурии Тоҷикистон Умарҷони Эмомалӣ хабар дод.

Ба иттилои манбаъ, ин кор бо супориши Вазорати корҳои дохилии Ҷумҳурии Тоҷикистон роҳандозӣ шуда, мақсади асосӣ пешгирӣ намудани танбашавии нақлиёт дар роҳҳои шаҳри Душанбе мебошад.

«Аз ин пас дар роҳҳои пойтахт шумораи постҳо кам гардида, ба ҷои онҳо мошинҳои сайёри патрулӣ (нозирони тартибот) фаъолият мекунанд ва танҳо дар даромадгоҳи кӯчаҳо кормандони Бозрасии давлатии автомобилӣ гузошта мешаванд. Ин амал метавонад пеши роҳи танбашавӣ ва қоидавайронкуниро дар роҳҳои пойтахт гирад. Зеро дар аксар давлатҳои пешрафта  чунин низом  роҳандозӣ шуда, натиҷаи хуб ҳам ба бор овардааст»,- гуфт Умарҷони Эмомалӣ.

Патрулҳо  низ метавонанд дар ҳолати ба қайд гирифтани қоидавайронкунии роҳ санад тартиб дода, нисбат ба он чораҷӯӣ кунанд.

Декабрь 5, 2017 12:19

Хабарҳои дигари ин бахш

Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд
Пагоҳ Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Санъат Раҳим: «Дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст»
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»