Франк-Валтер Штайнмайер ҷонибдори вусъати муносибатҳои гуногунҷабҳаи дуҷонибаи Тоҷикистону Германия аст
ДУШАНБЕ, 13.01.2018 /АМИТ «Ховар»/. 11 январи соли ҷорӣ Президенти федеролии Германия Франк-Валтер Штайнмайер дар қасри Белвюи шаҳри Берлин роҳбарони намояндагиҳои дипломатии муқими Германияро ба ҳузур пазируфт. Дар ин қабули расмӣ Сафири Тоҷикистон Маликшо Неъматов иштирок намуд.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, зимни суҳбат Сафири Тоҷикистон ба Президенти федеролии Германия Франк-Валтер Штайнмайер саломи дӯстонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро расонда, ҳавасмандии ҷониби Тоҷикистонро барои рушду тавсеаи ҳамкории мутақобилан судманди ҳарду давлати дӯст иброз намуд.
Дар навбати худ Президенти федеролии Германия ба Пешвои миллат саломи дӯстона фиристода, омодагии давлаташро ҷиҳати вусъати муносибатҳои гуногунҷабҳаи дуҷонибаи Тоҷикистону Германия изҳор дошт.
Дар мулоқот ҳамзамон вазири федеролии ҳамкории иқтисодӣ ва рушди Германия Герд Мюллер иштирок дошт.
Пагоҳ дар Агентии назорат дар соҳаи маориф ва илм, Агентии содирот, Бонки давлатии амонатгузории «Амонатбонк» ва Палатаи савдо ва саноат нишасти матбуотӣ баргузор мегардад
«Интернет барои хона» Steam-ро вусъат мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Алоқаи боэътимод — дар ҳар гуна боду ҳаво
