ГУРӮҲИ ТАБЛИҒОТӢ: ҳамагон бояд дар иҷрои нуктаҳои Паёми Пешвои миллат саҳмгузор бошем!
ДУШАНБЕ, 16.01.2018 /АМИТ «Ховар»/. Дар замони мураккабу тағйирёбии вазъи сиёсиву иқтисодӣ ва амниятии ҷаҳон, ҷумҳурии мо бо дарназардошти арзишҳои миллию давлатӣ таҳти роҳбарии Пешвои миллат муҳтарам Эмомалӣ Раҳмон имкониятҳои мавҷударо самаранок истифода карда, мавқеъ ва нуфузашро дар сатҳи ҷомеаи ҷаҳонӣ боз ҳам мустаҳкаму устувортар намуд. Таҳлил ва натиҷагирии бахшҳои муҳими хоҷагии халқ бо гузашти як соли давлатдории миллӣ собит намуд, ки соли 2017 дар таърихи навини тоҷикон бо ҳама хусусияту бартарӣ ва дастоварду комёбиҳояш давлатро ба марҳалаи нави рушди устувори миллӣ расонид. Ин суханонро раиси Кумитаи иҷроияи Ҳизби Халқии Демократии Тоҷикистон дар шаҳри Душанбе Зоир Раҳмонзода зимни вохӯрии гурӯҳи корӣ оид ба шаҳру тавзеҳи Паёми Пешвои миллат изҳор намуд.
Вохӯрии навбатӣ бо иштироки вакилони Маҷлиси намояндагони Маҷлиси Олии Ҷумҳурии Тоҷикистон, роҳбарияти Кумитаи иҷроияи ҲХДТ дар шаҳри Душанбе ва намояндагони дигар қишрҳои ҷомеа дар Гвардияи миллии Тоҷикистон бо ҳайати фармондеҳии афсарону сарбозон доир гардид.
Дар ҷамъомад муовини аввали фармондеҳи Гвардияи миллии Тоҷикистон, генерал-майори гвардия Ҷонибек Ализода атрофи аҳамият ва ҳадафҳои асосии Паёми Пешвои миллат дар шароити замони муосир ибрози назар кард.
Вакилони Маҷлиси намояндагони Маҷлиси Олии Ҷумҳурии Тоҷикистон Эмомалӣ Насриддинзода, Ҷамшед Саидов ва Рустамҷон Қудратов дар хусуси масъалаҳои зиёд шудани маҷмӯи маҳсулоти дохилӣ нисбат ба солҳои қаблӣ, даромади пулии аҳолӣ, музди меҳнати кормандони соҳаҳои буҷетӣ, “Стратегияи миллии рушди Ҷумҳурии Тоҷикистон барои то давраи соли 2030” ва ҳадафҳои пешбинишуда, “Барномаи миёнамуҳлати рушди Ҷумҳурии Тоҷикистон барои солҳои 2016-2020”, судовар будани сиёсати хориҷии «дарҳои боз» ва оғоз шудани марҳилаи Даҳсолаи байналмилалии амал «Об барои рушди устувор», солҳои 2018- 2028 фикру андешаҳои худро баён карданд.
Беҳтар гардидани сатҳи зиндагии мардум, таъмини истиқлолияти энергетикӣ ва амнияти озуқаворӣ, ҳифзи сарҳадоти миллӣ, дарки моҳияти хештаншиносӣ ва ватандӯстӣ аз ҷумлаи мавзӯъҳое буданд, ки узви Шӯрои миллии рушди назди Президенти Ҷумҳурии Тоҷикистон Мӯсо Асозода атрофи онҳо мулоҳиза ронд.
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
