Озмуни ҷумҳуриявии «Китобдор, китобхона ва китобхонаи шахсии сол дар Ҷумҳурии Тоҷикистон»
ДУШАНБЕ, 29.01.2018. /АМИТ «Ховар»/. Китобхонаи давлатии патентию техникии Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон бахшида ба Рӯзи китоб ва Соли рушди сайёҳӣ ва ҳунарҳои мардумӣ эълон гардидани соли 2018 Озмуни ҷумҳуриявии «Китобдор, китобхона ва китобхонаи шахсии сол дар Ҷумҳурии Тоҷикистон»-ро баргузор менамояд.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, ба озмун китобдорони китобхонаҳои шахсӣ ва китобхонаҳои шаҳру ноҳияҳо даъват карда мешаванд.
Ҳадафи озмун баланд бардоштани мақоми китоб дар ҷомеаи муосир, рушди соҳаи китобдорӣ дар ҷумҳурӣ, ҳавасманд гардонидани китобдорону китобхонаҳо ва кормандони он мебошад.
Озмун дар се бахш- «Китобдори сол», «Китобхонаи сол» ва «Китобхонаи шахсии сол» гузаронида шуда, натиҷаи он дар семинари ҷумҳуриявии соҳаи китобдорӣ, ки дар Рӯзи китоб- 4 сентябри соли равон дар шаҳри Душанбе доир мегардад, эълон карда мешавад.
Хоҳишмандон метавонанд ҳуҷҷатҳои худро аз 25 январи соли 2018 то 31 июли соли 2018 ба Кумитаи тадорукоти озмун супоранд.
Иштирокчиёни озмун метавонанд ҳуҷҷатҳои худро бо нишондоди ному насаб, вазифа доир ба номинатсияи озмун то 31.07.2018 тариқи факс 2222138, 2222133, почтаи электронии gptb.tj@mail.ru, ё ин ки бо нишонии Китобхонаи давлатии патентию техникӣ, 734042, шаҳри Душанбе, кӯчаи Айнӣ 14а, бинои 2, ирсол намоянд.
Телефонҳо барои тамос: 917232816, 919795424, 900156070
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
Дар Душанбе бахшида ба Рӯзи Ваҳдати миллӣ ҳамоиши ҷумҳуриявӣ баргузор гардид
Имрӯз дар шаҳри Душанбе ҳаво то 32 дараҷа гарм мешавад
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
