Тадбирҳои андешидаи Ҳукумати мамлакат имконият доданд, ки дар соли 2017 шумораи сайёҳон 24,9% афзоиш ёбад
ДУШАНБЕ, 6.01.2018. /АМИТ «Ховар»/. Ҷорӣ намудани тартиби электронии дастрас намудани раводид ва реҷаи бераводид бо 11 кишвари ҷаҳон, дар тӯли панҷ соли аввали фаъолият аз андози фоида озод намудани ширкатҳои сайёҳӣ, аз андоз аз арзиши иловашуда ва боҷи гумрукӣ озод намудани воридоти таҷҳизот ва масолеҳи сохтмонӣ барои бунёди иншооти сайёҳӣ, таъсиси мақоми алоҳидаи давлатӣ дар бахши сайёҳӣ, иштироки намояндагони соҳаи сайёҳии мамлакат дар намоишгоҳҳои байналмилалии сайёҳӣ, татбиқи самараноки Барномаи рушди туризм дар Ҷумҳурии Тоҷикистон дар давраи солҳои 2015-2017, дар шабакаи интернет фаъол шудани Портали миллии сайёҳӣ бо забонҳои тоҷикӣ, русӣ ва англисӣ, баргузор намудани конференсияҳои сатҳи байналмилалӣ, ҷумҳуриявӣ, семинару омӯзишҳо дар шаҳру ноҳияҳои кишвар ва дигар тадбирҳои андешидаи Ҳукумати мамлакат имконият доданд, ки дар соли 2017 шумораи сайёҳон 24,9% афзоиш ёбад.
Ин нукта зимни ҷамъомаде, ки дирӯз дар толори ҶСК «Комплекси сайёҳии Варзоб» бо мақсади тарғибу ташвиқи Соли рушди сайёҳӣ ва ҳунарҳои мардумӣ баргузор гардид, таъкид шуд.
Дар ҳамоиш роҳбарияти Кумитаи рушди сайёҳӣ, намояндагони Дастгоҳи иҷроияи Президенти Ҷумҳурии Тоҷикистон, вазорату идораҳо, ширкатҳои сайёҳӣ, осоишгоҳҳо, табобатгоҳҳо, коршиносони соҳа, намояндагони муассисаҳои олии таълимӣ, ки дар риштаи сайёҳӣ мутахассис омода менамоянд, иштирок доштанд.
Раиси Кумита Нуъмон Абдуғаффорзода зикр намуд, ки амалисозии як қатор ислоҳоти амалишудаистода дар бахши сайёҳӣ, ки бо ташаббуси бевоситаи Пешвои миллат роҳандозӣ гардиданд, аз ҷумла аз ҷониби Сарвари давлат Соли рушди сайёҳӣ ва ҳунарҳои мардумӣ эълон гардидани соли 2018 ба пешрафту тараққӣ додани сайёҳӣ ва тақвият ёфтани касбу ҳунарҳои мардумӣ дар мамлакат заминаи мусоид фароҳам меоварад.
Дар ҳамоиш ҳамзамон доир ба нуқтаҳои асосии Паёми имсолаи Пешвои миллат ҷиҳати имтиёзҳои пешбинигардидаи Ҳукумати мамлакат нисбат ба ширкатҳои сайёҳӣ, рушди соҳаи сайёҳӣ, ҷалби сармоя ба инфрасохтори сайёҳӣ мубодилаи афкор сурат гирифт.
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
«ДУШАНБЕ ИНВЕСТ-2025». Иштирокдорони Форуми байналмилалии сармоягузорӣ «Қалъаи Ҳисор»-ро тамошо намуданд
