Тоҷикистон-сарзамини кӯҳҳои осмонбӯс ва обҳои шифобахш. Дар Кӯлоб конференсияи сайёҳӣ баргузор гардид

Январь 15, 2018 11:22

ДУШАНБЕ, 15.01.2018 /АМИТ «Ховар»/. Кумитаи рушди сайёҳӣ бо мақсади рушди саёҳати дохилӣ ва шиносоӣ бо имкониятҳои сайёҳии мамлакат таҳти унвони «Рушди  сайёҳӣ-омили пешрафти иқтисодиёти миллӣ» дар шаҳри Кӯлоб конференсияи сайёҳӣ баргузор намуд. Дар кори он намояндагони  мақомоти иҷроияи ҳокимияти давлатии шаҳри Кӯлоб, соҳибкорон, ширкатҳои сайёҳӣ, устодони макотиби таҳсилоти олии мамлакат, ки дар риштаи сайёҳӣ мутахассис омода менамоянд, инчунин роҳбарони мехмонхонаҳо, осоишгоҳҳо, ҳунармандони маҳаллӣ  ва ҷавонони фаъол иштирок доштанд.

Тоҷикистони биҳиштосо сарзамини мардуми соҳибмаърифату меҳмоннавоз ва меваҳои шаҳдбор буда, аз нигоҳи иқлим, боду ҳаво, манзараҳои табиат, кӯҳҳои осмонбӯс, пиряхҳои азим, обҳои шифобахш, кӯлҳо ва чашмаҳои оби мусаффо, ҳайвоноту наботот ва урфу анъанаҳои мардумӣ дар олам нотакрор ва макони беҳтарини сайру саёҳат мебошад. Ин нуктаро муовини якуми раиси Кумитаи рушди сайёҳии назди Ҳукумати Ҷумҳурии Тоҷикистон Ҳабибулло Амирбекзода зимни конференсияи мазкур  иброз намуд.

Иштирокдорони конференсия дар бораи имкониятҳои сайёҳии ин минтақа сухан гуфта, изҳори умед карданд, ки солҳои наздик дар сурати андешидани тадбирҳои саривақтӣ дар самти рушди туризм ҷумҳурии мо ба мавзеи муҳими сайёҳии минтақа табдил меёбад. Ба ин раванд Соли рушди сайёҳӣ ва ҳунарҳои мардумӣ эълон намудани соли 2018, бешак,  мусоидати муассир менамояд.

Иштирокчиён ҳамчунин бо мақсади муаррифӣ ва шиносоӣ пайдо намудан аз як қатор мавзеъҳои сайёҳӣ, аз ҷумла, осорхонаи марказӣ, Оромгоҳи Мир Сайид Алии Ҳамадонӣ ва мавзеи таърихии «Ҳулбук» дидан намуданд.

Январь 15, 2018 11:22

Хабарҳои дигари ин бахш

Мавзеи сайёҳии «Арху» ба макони писандидаи сайёҳон табдил ёфтааст
Иштирокдорони Конфронси байналмилалии сатҳи баланд оид ба ҳифзи пиряхҳо бо корҳои сохтмонӣ дар НБО «Роғун» шинос шуданд
Эла Ионеску, намоянда аз Руминия: «Шумо, одамони хушбахтед, ки чунин Ватани зебо доред»
СИЁМА. Оби ин дарё ба даҳгонаи обҳои беҳтарини ҷаҳон дохил гардидааст
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
Иштирокдорони Конфронси байналмилалии сатҳи баланд оид ба ҳифзи пиряхҳо мавзеъҳои таърихию фарҳангии Тоҷикистонро тамошо мекунанд
Барои сохтмони кампуси Донишкадаи байналмилалии Данғара лоиҳаи Бонки Исломии рушд амалӣ карда мешавад
Ҷаҳонгарди тоҷик Парчами Ҷумҳурии Тоҷикистонро дар нуқтаи баландтарини Антарктида парафшон намуд
Тоҷикистон барои қабули раисии Шурои Иттиҳоди Давлатҳои Мустақил оид ба сайёҳӣ изҳори омодагӣ намуд
Ноиби Президенти Бонки Осиёии рушд бо фаъолияти Донишгоҳи байналмилалии сайёҳӣ ва соҳибкории Тоҷикистон шинос шуд
Дар Кӯлоб форум ва намоишгоҳи байналмилалии сайёҳӣ баргузор мегардад
Меҳмонони Конфронси байналмилалии сатҳи баланд оид ба ҳифзи пиряхҳо бо имконоти сайёҳии дараи Ромит шинос мешаванд