Ба Қонуни интихоботи Маҷлиси Олӣ тағйирот ворид гардид
ДУШАНБЕ, 08.02.2018/АМИТ «Ховар»/. Вакилони Парлумони Тоҷикистон 7 феврал ба лоиҳаи Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» тағйиру иловаҳо ворид намуданд. Дар асоси ин тағйирот минбаъд шаҳрвандони Ҷумҳурии Тоҷикистон, ки тӯли 7 соли охир дар Ҷумҳурии Тоҷикистон истиқомат намудаанд ва забони давлатиро хуб медонанд, аъзои Маҷлиси миллӣ ва шаҳрвандоне, ки зарфи панҷ соли охир дар ҳудуди Ҷумҳурии Тоҷикистон сукунат доштанд, вакили Маҷлиси намояндагони Маҷлиси Олии Ҷумҳурии Тоҷикистон интихоб мегарданд.
Ҳадафи ворид намудани тағйиру иловаҳоро ба лоиҳаи қонуни конститутсионӣ вакили Маҷлиси намояндагон Амрихудои Дамдор дар мутобиқ намудани лоиҳаи қонун ба Конститутсияи Ҷумҳурии Тоҷикистон, рушди қонунгузории мамлакат, ҳимояи ҳуқуқи интихобкунандагон, фаъол намудани кори комиссияҳои интихоботӣ ва шаффоф баргузор намудани интихоботӣ парлумонӣ арзёбӣ намуд.
Инчунин лоиҳаи қонуни конститутсионӣ ба номзадҳо дар маъракаи пешазинтихоботӣ ба таври ройгон истифода намудани эфир дар радио ва телевизиони давлатиро пешбинӣ менамояд.
Мавриди зикр аст, ки соли 2000 дар Тоҷикистон Маҷлиси Олӣ –Парлумон таъсис дода шуд, ки он аз ду палата –Маҷлиси миллӣ (палатаи болоӣ) ва Маҷлиси намояндагон (палатаи поёнӣ) иборат аст.
Маҷлиси миллӣ 33 нафар аъзо дошта, 25 нафараш дар маҷлисҳои маҳаллии вакилони халқи вилоятҳо, Вилояти Мухтори Кӯҳистони Бадахшон, ноҳияҳои тобеи марказ ва шаҳри Душанбе интихоб карда шуда, 8 нафарашро Президенти Ҷумҳурии Тоҷикистон таъйин менамояд.
Ҳар собиқ Президенти Ҷумҳурии Тоҷикистон узви доимии Маҷлиси миллӣ мебошад. Вакилони Маҷлиси намояндагон, ки аз 63 нафар иборатанд, ба муҳлати 5 сол тавассути баргузории интихоботи парлумонӣ интихоб карда мешаванд. Маҷлиси намояндагон мақоми олии қонунгузор буда, касбӣ ва доимоамалкунанда мебошад.
Созишнома байни Ҳукумати Ҷумҳурии Тоҷикистон ва Ҳукумати Федератсияи Русия дар бораи таъсиси парки саноатӣ дар Тоҷикистон ба тасвиб расид
Дар Маҷлиси намояндагон бахшида ба Рӯзи таъсиси Ҳизби Халқии Демократии Тоҷикистон ҳамоиш доир шуд
Муовини Раиси Маҷлиси намояндагон бо муовини Вазири умури хориҷаи Эрон оид ба корҳои консулӣ ва парлумонӣ вохӯрӣ намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Дар кумитаи Маҷлиси миллӣ оид ба иқтисодиёт ва коммуникатсия се қонун мавриди баррасӣ қарор гирифт
Аъзои Кумитаи Маҷлиси миллӣ оид ба масъалаҳои аграрӣ, шуғли аҳолӣ ва экология ду қонунро ба Шурои Маҷлиси миллӣ пешниҳод намуданд
Доир ба заминаҳои қонунгузории гузариш ба иқтисоди рақамӣ ҳамоиш баргузор гардид
Владимир Путин бо раисони парламентҳои давлатҳои аъзои Созмони Аҳдномаи амнияти дастҷамъӣ мулоқот намуд
Мактаби сиёсии Пешвои миллат дар заминаи фаъолияти Ҳизби Халқии Демократии Тоҷикистон
Файзалӣ Идизода дар ҷаласаи муштараки Шуро ва ҷаласаи ҳаждаҳуми пленарии Ассамблеяи парламентии СААД иштирок намуд
Ҷаласаи Комиссияи Маҷлиси миллии Маҷлиси Олии Ҷумҳурии Тоҷикистон оид ба назорати Дастур баргузор гардид
Ҷаласаи кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният доир гардид
