Дар кӯчаҳои шаҳри Хуҷанд корҳои мумфаршкунӣ шуруъ гардиданд
ДУШАНБЕ, 26.03.2018./АМИТ «Ховар»/. Бо мақсади иҷрои дастуру супоришҳои Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон оид ба таъмини зиндагии шоистаи мардум, ки аз Паёми Сарвари давлат ба Маҷлиси Олӣ бармеоянд, шоми дирӯз нахустин корҳои таҷдиду азнавсозии роҳҳо дар шаҳри Хуҷанд, маркази маъмурии вилояти Суғд оғоз гардиданд. Дар ин бора ба АМИТ «Ховар» аз мақомоти иҷроияи ҳокоимияти давлатии шаҳри Хуҷанд хабар доданд.
Гуфта мешавад, ки дирӯз Раиси шаҳри Хуҷанд Маъруф Муҳаммадзода аз рафти корҳои мумфаршкунии роҳ дар кӯчаи «Дӯстии халқҳо» аз наздик шинос гардида, ба роҳсозон баҳри сифатан беҳтар кардани корҳо дастуру супоришҳо дод. Бояд қайд намуд, ки ин кӯча 3, 5 километр дарозӣ дорад ва он ба пуррагӣ мумфарш карда мешавад.
Бино ба гуфтаи роҳбари КД «Истифодабарии роҳҳо»-и шаҳри Хуҷанд Салим Юнусов, ин оғози корҳои мумфаршкунӣ дар соли 2018 буда, то охири сол беш аз 30 километр роҳҳои дохилии шаҳр мумфарш карда мешаванд.
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар Донишгоҳи техникӣ ва Донишгоҳи аграрӣ нишасти матбуотӣ баргузор мегардад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
