Тантанаҳои наврӯзӣ дар Қалъаи Ҳисор
ДУШАНБЕ, 21.03.2018. /АМИТ «Ховар»/. Мардуми ноҳияи зарнисори Ҳисор дар Қалъаи куҳанбунёд, ки қарнҳо побарҷосту дар даврони Истиқлолият пурра тармим гардидаст, бо шукӯҳу шаҳомат ва нишоту сурур тантанаҳои наврӯзӣ доир намуданд. Ба истиқболи онон духтари зебои қабои сафедпӯш савори саманди бодпои барфосо сафед ҳамчун рамзи баҳори хуррам баромад.
Раиси ноҳия Шарифҷон Ҷумъазода аҳли ҳамоиши идона, инчунин меҳмононро, ки аз Ӯзбекистони ҳамсоя омадаанд, самимона шодбош гуфт. Зимни суханронӣ ӯ ёдовар шуд, ки бо саъю эҳтироми Пешвои миллат муҳтарам Эмомалӣ Раҳмон Наврӯз иди давлатӣ гардид ва бо ибтикори Тоҷикистони соҳибистиқлол бо сарварии Ҷаноби Олӣ мақоми ҷаҳонӣ касб намуд.
Ширкати мутрибону раққосаҳои ансамбли овозадори «Зебо» ҳусну ҷилои тоза бахшид. Бо дастгирии мақомоти иҷроияи ҳокимияти ноҳия, инчунин соҳибкорони саховатпешша хатнасури 31 кӯдак аз оилаҳои камбизоат барпо гардид ва ба онҳо бозичаҳо тӯҳфа карда шуданд. Аз рӯи анъана гӯштингирию асптозӣ доир гардид. Ҳунармандон маҳсули дастони худро ба маърази тамошо гузоштанд. Кадбонуҳо аз рӯи анъанаҳои дерин хоҳишмандонро бо суманак, далдаю оши палав ва дигар таъомҳои миллӣ зиёфат карданд.
Матн ва суратҳои
М. МУҲИДДИНҶОНОВ,
АМИТ «Ховар»
Имрӯз дар водиҳои Тоҷикистон ҳаво то 38 дараҷа гарм мешавад
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 маротиба зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
