Дар ноҳияи Айнӣ хатсайри нави сайёҳии табобатию истироҳатӣ кушода шуд
ДУШАНБЕ, 26.04.2018. /АМИТ «Ховар»/. Бо ташаббуси Кумитаи рушди сайёҳии назди Ҳукумати Ҷумҳурии Тоҷикистон дар ноҳияи Айнӣ хатсайри нави сайёҳии табобатию истироҳатӣ ташкил гардид. Аз ин хатсайр, ки дар баробари мавзеъҳои таърихию фарҳангӣ, фарогири сайёҳати табобатию солимгардонӣ ва истироҳатии ноҳияи мазкур мебошад, намояндагони ширкатҳои сайёҳӣ дидан намуданд.
Тавре ба АМИТ «Ховар» аз Кумитаи рушди сайёҳӣ хабар доданд, инчунин маркази табобатию солимгардонӣ, ки бо ташаббуси табиби халқӣ Муллозуҳур Тоҳирӣ дар мавзеи Путхини ноҳияи Айнӣ бунёд ёфтааст, ба хатсайри нави сайёҳӣ шомил гардида, минбаъд ширкатҳои сайёҳии ватанӣ хизматрасонии онро ба сайёҳони хориҷие, ки ба Тоҷикистон ташриф меоранд, пешниҳод месозанд.
Бояд зикр намуд, ки ноҳияи Айнӣ дорои табиати нотакрор буда, барои рушди туризми кӯҳӣ-варзишӣ ва туризми экологӣ мувофиқ мебошад. Дар ҳудуди ноҳияи Айнӣ мавзеъҳои таърихию фарҳангӣ ва сайёҳӣ зиёд буда, маъмултарини онҳо манораи Варзи Манор ва кӯли «Искандаркӯл» мебошанд, ки миёни сайёҳони хориҷӣ шуҳратманданд.
Иштирокдорони ҳамоиш инчунин аз хона-музей ва мақбараи шоир Нақибхон Туғрали Аҳрорӣ дидан намуданд.
Ёдовар мешавем, ки бахшида ба Соли рушди сайёҳӣ ва ҳунарҳои мардумӣ Кумитаи рушди сайёҳии назди Ҳукумати Ҷумҳурии Тоҷикистон бо дастгирии Ҳукумати кишвар дар самти афзун гардонидани шумули маконҳои сайёҳӣ ва ба вуҷуд овардани имконоти зарурӣ ҷиҳати қабули сайёҳони хориҷӣ барномаҳо таҳия намуда, чораҳои зарурӣ андешида истодааст.
«Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040» таҳия гардид
ҶАШНИ ТИРГОН. Он ҳамчун воситаи маъмули сайёҳии миллӣ муаррифӣ гардид
Ҳайати Тоҷикистон дар Ҷаласаи гурӯҳи корӣ оид ба баланд бардоштани иқтидори сайёҳии минтақаи CAREC иштирок намуд
Тоҷикистон ва Ҳиндустон дар самти омода намудани мутахассисони соҳаи сайёҳӣ ҳамкориро густариш медиҳанд
«БАДАХШОН – ДАРВОЗАИ ТИЛЛОИИ ТОҶИКИСТОН». Суратгузориш аз Форуми сайёҳӣ дар шаҳри Хоруғ
«OH TAJIKISTAN». Дар Кумитаи рушди сайёҳӣ муаррифии видеролики таблиғотӣ доир гардид
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
Имконияти сайёҳии Тоҷикистон дар Олмон муаррифӣ гардид
РАВАНДИ ОБИ ДУШАНБЕ. Иштирокдорони Конфронси сеюми байналмилалии сатҳи баланд бо фаъолияти Неругоҳи барқи обии «Норак» шинос шуданд
РАВАНДИ ОБИ ДУШАНБЕ. Қалъаи Ҳисор бо таърихи 3000-солааш меҳмонони Конфронси байналмилалии сатҳи баланди Душанберо ба ваҷд овард
ХУШ ОМАДЕД! Меҳмонон ва иштирокчиёни Конфронси сеюми байналмилалии сатҳи баланди Душанбе мавзеъҳои таърихию фарҳангии Тоҷикистонро тамошо менамоянд
Барои саёҳати меҳмонони Конфронси сеюми байналмилалии сатҳи баланд 7 хатсайр ташкил карда шудааст
