ПАРЛУМОНИ ТОҶИКИСТОН: Барои ташкили пойгаҳои ғайрирасмӣ муҷозот пешбинӣ мешавад
ДУШАНБЕ,17.04.2018 /АМИТ «Ховар»/. Дар ҷаласаи Шӯрои Маҷлиси намояндагони Маҷлиси Олии Ҷумҳурии Тоҷикистон, ки имрӯз таҳти раёсати Раиси Маҷлиси намояндагон Шукурҷон Зуҳуров баргузор шуд, лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон» мавриди баррасӣ қарор гирифт.
Тибқи иттилои котиби матбуоти Маҷлиси намояндагон Муҳаммадато Султонов, лоиҳаи мазкурро раиси кумитаи Маҷлиси намояндагон оид ба қонунгузорӣ ва ҳуқуқи инсон Эмомалӣ Насриддинзода муаррифӣ намуда, иброз дошт, ки лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон» аз ҷониби Ҳукумати Ҷумҳурии Тоҷикистон бо истифода аз ҳуқуқи ташаббуси қонунгузорӣ пешниҳод гардидааст.
Тибқи лоиҳаи Қонун, ба Кодекси ҳуқуқвайронкунии маъмурии Ҷумҳурии Тоҷикистон моддаи 3261 бо мақсади пешгирӣ намудани ташкили пойгаҳои ғайрирасмӣ, инчунин идора намудани воситаи нақлиёт дар пойгаҳои ғайрирасмӣ ё ба идораи шахси дигар додани воситаи нақлиёт барои иштирок дар чунин пойгаҳо бо муқаррар кардани ҷавобгарӣ ба андозаи аз дусаду панҷоҳ то сесад нишондиҳанда барои ҳисобҳо бо маҳрум кардан аз ҳуқуқи идораи воситаи нақлиёт ба муҳлати ду сол илова карда мешавад.
Инчунин ҷиҳати аз байн бурдани шарҳи гуногуни моддаи 338 моддаи зикргардида дар таҳрири нав пешниҳод гардидааст.
Илова бар ин, дар лоиҳа бо мақсади ба танзим даровардани иштироки ноболиғ, додани иҷозати воридшавӣ ба клубҳои шабона, дискоклубҳо, толори букмекерӣ ва марказҳои бозиҳои бурднок, инчунин марказҳои пешниҳоди бозиҳои копютерӣ ё хизматрасонии интернетӣ ворид намудани моддаи 4641 пешбинӣ шудааст.
Ҳамзамон барои мутобиқгардонидани меъёри моддаи 506 Кодекси мазкур ба дигар санадҳои меъёрии ҳуқуқии соҳаи сирри давлатӣ он дар таҳрири нав пешниҳод гардид, ки риоя накардани тартиби муқарраргардидаи таъмини низоми махфият, бе рухсатномаи дахлдор иҷро намудани фаъолияте, ки ба сирри давлатӣ алоқаманд аст, инчунин барои беасоси қонунӣ махфигардонии маълумоте, ки дорои сирри давлатӣ намебошад, ҷавобгариро пешбинӣ менамояд.
Ҳамзамон ҷиҳати такмил ёфтани лоиҳаи Қонуни мазкур 7 таклифу пешниҳод манзур шуд, ки 6 — тои онҳо пурра ва қисман вориди лоиҳа гардиданд ва 1 тои дигар пазируфта нашуд.
Ҳифзи пиряхҳо омили муҳими суботи иқтисодӣ-иҷтимоӣ маҳсуб мешавад
Дар ҷаласаи кумитаи Маҷлиси миллӣ оид ба таъмини асосҳои конститутсионӣ 18 масъала баррасӣ карда шуд
Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Густариши робитаҳои байнипарлумонии Тоҷикистон ва Покистон баррасӣ шуд
Ҷаласаи Кумитаи Маҷлиси миллӣ оид ба ҳамоҳангсозии фаъолияти Маҷлиси миллӣ бо Маҷлиси намояндагон, ҳокимияти иҷроия, иттиҳодияҳои ҷамъиятӣ, ВАО ва робитаҳои байнипарламентӣ доир шуд
Ҷаласаи Кумитаи Маҷлиси миллӣ оид ба масъалаҳои иҷтимоӣ, ҳифзи сиҳатӣ, илм, маориф, фарҳанг ва сиёсати ҷавонону занон баргузор гардид
Фаъолҷавонони шаҳри Душанбе бо фаъолияти Парлумони Тоҷикистон шинос шуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Байни Тоҷикистон ва Бонки аврупоии таҷдид ва рушд созишномаҳо ба тавсиб расиданд
Дар Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мегардад
Мавсума Муинӣ раисикунандаи гурӯҳи парламентии Кумитаи доимамалкунанда оид ба масъалаҳои иқлим интихоб гардид
Муносибатҳои байнипарлумонии Тоҷикистон ва Малайзия баррасӣ шуданд
