Терминали боркашонии Фурудгоҳи байналмилалии Душанбе дар арафаи Рӯзи Ваҳдати миллӣ ба истифода дода мешавад
ДУШАНБЕ, 04.05.2018 /АМИТ «Ховар»/. Терминали боркашонии Фурудгоҳи байналмилалии Душанбе /ФБД/ 26 июни соли равон ба истифода дода мешавад. Дар ин хусус имрӯз дар палатаи поёнии Парлумони мамлакат муовини директори генералии Фурудгоҳи байналмилалии Душанбе Аслиддин Меликов ҳангоми тасдиқи Созишномаи грантӣ оид ба лоиҳаи «Беҳтар кардани Фурудгоҳи байналмилалии Душанбе (марҳиллаи 2)» байни Ҳукумати Ҷумҳурии Тоҷикистон ва Агентии Япония оид ба ҳамкориҳои байналмилалӣ /JICA/ иттилоъ дод.
Мавсуф афзуд, ки алҳол тибқи нақша, корҳои сохтмонӣ дар терминали боркашонии Фурудгоҳи байналмилалии Душанбе идома доранд. Сохтмони Терминали боркашонии Фурудгоҳи байналмилалии Душанбе моҳи феврали соли 2017 оғоз гардида, лоиҳаи иншооти мазкур дар ду марҳилла татбиқ карда мешавад.
Мавриди зикр аст, ки соли 2014 байни Ҳукумати Ҷумҳурии Тоҷикистон ва JICA Созишномаи грантӣ ба имзо расонида шуд, ки тибқи он, Ҳукумати Япония барои сохтмони Терминали боркашонӣ дар Фурудгоҳи байналмилалии Душанбе беш аз 1,9 миллиард йен ё 17,5 миллион доллари ИМА ҷудо намуд.
31 майи соли 2017 Созишномаи нави грантӣ байни Ҳукумати Ҷумҳурии Тоҷикистон ва JICA ба имзо расид. Дар асоси созишномаи мазкур, Ҳукумати Япония барои анҷом додани сохтмони марҳилаи дуюми Терминали боркашонии Фурудгоҳи байналмилалии Душанбе 3,2 миллион доллари ИМА ҷудо кард.
Ҳамзамон Аслиддин Меликов зикр намуд, ки 19 июли соли 2017 байни Фурудгоҳи байналмилалии Душанбе ва ширкати “ДАИ Ниппон Констракшн” барои амалисозии қисми дуюми сохтмони терминали боркашонӣ, хусусан барқтаъминкунӣ ва ободонии атрофи терминал қарордод ба имзо расонида шуд. Дар ин росто, моҳи декабри соли гузашта сохтмони марҳилаи дуюми терминали боркашонии фурудгоҳи Душанбе оғоз гардид.
Маблағи умумии татбиқи лоиҳа бо назардошти марҳилаи дуюм 20,8 миллион доларро ташкил дода, алҳол 15 миллион доллар ё 72,1 дарсади маблағи лоиҳа амалӣ карда шудааст.
Бояд тазаккур дод, ки бунёди Терминали наву муосири боркашонӣ дар Фурудгоҳи байналмилалии Душанбе ба таҳкими пойгоҳи моддию техникӣ, баланд бардоштани иқтидори боркашонӣ, ба бозори дохили ҷалб намудани ширкатҳои хориҷии таҳвилдиҳандаи бор, афзоиш ёфтани ҳаҷми содироти маҳсулоти кишоварзӣ ва саноатӣ ва дар маҷмӯъ, барои бунёди шабакаи хатсайрҳои транзитӣ дар фурудгоҳи мазкур заминаи мусоид фароҳам меорад.
15 декабр иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
16 декабр ҷаласаи якуми якҷояи Маҷлиси миллӣ ва Маҷлиси намояндагони Маҷлиси Олӣ, даъвати ҳафтум баргузор мегардад
Дар иҷлосияи дуюми Маҷлиси намояндагон ба ду қонун тағйиру илова ворид карда шуд
15 декабр иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
Созишнома байни Ҳукумати Ҷумҳурии Тоҷикистон ва Ҳукумати Федератсияи Русия дар бораи таъсиси парки саноатӣ дар Тоҷикистон ба тасвиб расид
Дар Маҷлиси намояндагон бахшида ба Рӯзи таъсиси Ҳизби Халқии Демократии Тоҷикистон ҳамоиш доир шуд
Муовини Раиси Маҷлиси намояндагон бо муовини Вазири умури хориҷаи Эрон оид ба корҳои консулӣ ва парлумонӣ вохӯрӣ намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Дар кумитаи Маҷлиси миллӣ оид ба иқтисодиёт ва коммуникатсия се қонун мавриди баррасӣ қарор гирифт
Аъзои Кумитаи Маҷлиси миллӣ оид ба масъалаҳои аграрӣ, шуғли аҳолӣ ва экология ду қонунро ба Шурои Маҷлиси миллӣ пешниҳод намуданд
Доир ба заминаҳои қонунгузории гузариш ба иқтисоди рақамӣ ҳамоиш баргузор гардид
Владимир Путин бо раисони парламентҳои давлатҳои аъзои Созмони Аҳдномаи амнияти дастҷамъӣ мулоқот намуд
