Захираҳои сайёҳии минтақаи Кӯлоб ва роҳҳои рушди онҳо баррасӣ гардиданд
ДУШАНБЕ, 26.05.2018 /АМИТ «Ховар»/. Бо ташаббуси Шуъбаи рушди сайёҳии вилояти Хатлон дар шаҳри Кӯлоб ва бо дастгирии Кумитаи рушди сайёҳии назди Ҳукумати Ҷумҳурии Тоҷикистон бахшида ба Соли рушди сайёҳӣ ва ҳунарҳои мардумӣ 24 май дар Донишгоҳи давлатии Кӯлоб ба номи Абӯабдуллоҳи Рӯдакӣ дар мавзӯи «Захираҳои сайёҳии Тоҷикистон-омили рушди иқтисодиёт» конфронс баргузор гардид.
Тавре ба АМИТ «Ховар» аз Кумитаи рушди сайёҳӣ иттилоъ доданд, дар чорабинии мазкур намояндагони мақомоти иҷроияи ҳокимияти давлатии вилояти Хатлон дар минтақаи Кӯлоб, роҳбарони ширкатҳои сайёҳии минтақа, ташкилотҳои ҷамъиятӣ, меҳмонхонаҳо ва донишҷӯёни риштаи сайёҳӣ иштирок доштанд.
Дар кори конфронс мудири Шуъбаи рушди сайёҳии вилояти Хатлон дар шаҳри Кӯлоб Баҳридддин Азизов дар мавзӯи «Захираҳои сайёҳии минтақа ва роҳҳои рушди он», муовини ректори Донишгоҳи тиббии Хатлон Шамсулло Аҳадов дар мавзӯи «Туризм бо ҷомеаи шаҳрвандӣ», унвонҷӯи Донишгоҳи давлатии Кӯлоб ба номи А. Рӯдакӣ Шералӣ Гадоев дар мавзӯи «Сайёҳии экологӣ дар минтақаи Дашти Ҷум» бо рунамо маъруза намуданд. Инчунин, намояндагони мақомоти маҳаллии шаҳру ноҳияҳои минтақа оид ба захира ва имкониятҳои сайёҳии шаҳру ноҳияҳои худ маълумот доданд.
Сипас миёни иштирокчиён доир ба мавзуъҳои матраҳгашта ва ҷанбаҳои муҳими соҳаи сайёҳӣ дар минтақа мубодилаи афкор сурат гирифт.
Қайд карда шуд, ки баргузории ҳамоиши мазкур дар рушд ёфтани соҳаи сайёҳии минтақа ва ҳавасманд гардонидани соҳибкорон ба рушди сайёҳӣ заминаи мусоид фароҳам меорад.
Соҳилҳои Сирдарё ба макони истироҳат табдил дода мешаванд
Намояндагони бахши сайёҳии Тоҷикистон бо таҷрибаи ширкатҳои сайёҳии Гурҷистон шинос гардиданд
НИШАСТИ МАТБУОТӢ. 580 ҳазор сайёҳони хориҷӣ бо мавзеъҳои Тоҷикистон шинос шуданд
Дар Донишгоҳи байналмилалии сайёҳӣ ва соҳибкории Тоҷикистон Стратегияи рушд қабул гардид
НИШАСТИ МАТБУОТӢ. Беш аз 30 ҳазор сайёҳи дохилию хориҷӣ минтақаҳои истироҳатӣ ва мавзеъҳои таърихии Варзобро тамошо намуданд
Донишгоҳи байналмилалии сайёҳӣ ва соҳибкории Тоҷикистон бо 12 муассисаи таълимии хориҷӣ шартномаи ҳамкорӣ ба имзо расонид
ЯҒНОБ-НИШОНЕ АЗ СУҒДИЁНИ ҚАДИМ. Ин водии афсонавии Тоҷикистон дорои зарфияти хоси табиӣ, фарҳангӣ ва сайёҳӣ аст
Соли равон зиёда аз 5000 сайёҳ мавзеъҳои таърихию фарҳангии Тоҷикистонро тамошо карданд
Ҷаласаи дуюми Гурӯҳи кории ҷумҳуриявӣ оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ баргузор гардид
Дар Қатар инъикоси мавзеъҳои сайёҳии Тоҷикистон дар шабакаи иттилоотии «Ал-Ҷазира» баррасӣ шуд
САЙЁҲӢ ДАР ТОҶИКИСТОН СОҲАИ ОЯНДАДОР АСТ. Мулоҳизаҳои ректори Донишгоҳи байналмилалии сайёҳӣ ва соҳибкорӣ Убайдулло Асрорзода
РУШДИ САЙЁҲӢ. Дар ноҳияи дурдасти Мурғоб се меҳмонхонаи замонавӣ ба истифода дода шуд
