Гурӯҳи фаврӣ — тафтишотӣ сабабҳои сар задани сӯхтор ва зарари онро дар Маркази савдои «Султони Кабир» муайян мекунад
ДУШАНБЕ, 04.06.2018 /АМИТ «Ховар»/. Роҳбарияти мақомоти иҷроияи ҳокимияти давлатии шаҳри Душанбе, ниҳодҳои марбутаи пойтахт бо маъмурияти Маркази савдои «Султони Кабир» ва соҳибкорони бозори мазкур, ки дар натиҷаи сӯхтори 2 июни соли 2018 дар ин макон ба амаломада зарар дидаанд, мулоқот намуданд.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, барои муайян кардани сабабҳои сӯхтор ва зарари он аз ҳисоби намояндагони сохторҳои дахлдор гурӯҳи фаврӣ — тафтишотӣ ташкил шуд. Гурӯҳи мазкур вазифадор гардидааст, ки сабабҳои сар задани сӯхтор ва зарари ба амаломадаро пурра муайян намояд.
«Ба роҳбарияти ҶДММ «Султони Кабир» дастур дода шуд, ки дар асоси натиҷаҳои фаъолияти гурӯҳи фаврии тафтишотӣ дар кӯтоҳтарин муҳлат ба соҳибкорони зарардида ҷиҳати ҷуброни хисороти расида тамоми чораҳои бетаъхирро роҳандозӣ намояд», — афзуд манбаъ.
Ёдовар мешавем, ки 2 июни соли 2018, соати 20:30 дар ҳудуди ҶДММ «Султони Кабир», воқеъ дар кӯчаи Абай 1, ноҳияи Фирдавсии шаҳри Душанбе сӯхтор ба амал омад. Сӯхтор дар табақаи якуми бинои 6- ошёнаи Маркази савдо ба вуқӯъ пайваста, масоҳати 1230 метри мураббаъро фаро гирифт. Дар натиҷаи сӯхтор ба анборҳо ва 21 адад дӯкону мағозаҳо зарари моддӣ расонда шуд. Бар асари ҳодисаи сӯхтор талафоти ҷонӣ ба қайд гирифта нашудааст.
Барои хомӯш кардани сӯхтор қувваҳои Гарнизони хадамоти давлатии оташнишонии шаҳри Душанбе ва дигар ниҳодҳои марбута сафарбар гардиданд. Оташ соати 00:15 пурра хомӯш гардида, пеши роҳи паҳншавии аланга ба дигар қисматҳои бино гирифта шуд.
Дар макони ҳодиса ҷиҳати андешидани тадбирҳои бетаъхир ва бартараф намудани алангаи оташ роҳбарияти мақомоти иҷроияи ҳокимияти давлатии шаҳри Душанбе, Раёсатҳои Вазорати корҳои дохилии Ҷумҳурии Тоҷикистон ва Кумитаи давлатии амнияти миллии Ҷумҳурии Тоҷикистон дар шаҳри Душанбе, прокуратураи шаҳри Душанбе, Сарраёсати хадамоти давлатии оташнишонӣ ва дигар сохторҳои марбута ҳозир буданд.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
